വാറ്റ്‌ഫോർഡ് വാരിയേഴ്സിന് ലണ്ടൻ സ്പോർട്സ് ലീഗിൽ വിജയത്തോടെ തുടക്കം

ലണ്ടൻ∙ ലണ്ടൻ സ്പോർട്സ് ലീഗിലെ ആദ്യ മത്സരത്തിൽ വാറ്റ്‌ഫോർഡ് വാരിയേഴ്സ് മികച്ച വിജയം നേടി.  ലണ്ടൻ സ്പോർട്സ് ക്ലബ്ബിനെ 4 വിക്കറ്റിന് തോൽപ്പിച്ചാണ് വാറ്റ്‌ഫോർഡ് ഈ സീസണിലെ ആദ്യ വിജയം സ്വന്തമാക്കിയത്. 5 വിക്കറ്റ് നേട്ടവുമായി പേസ് ബൗളർ ലിബിൻ അലക്സാണ്ടർ കളിയിലെ താരമായി തിളങ്ങി. മികച്ച ബാറ്റിങ് പ്രകടനം കാഴ്ചവെച്ച വൈശാഖ് ശ്രീകണ്ഠനും ഈ വിജയത്തിൽ നിർണായക പങ്ക് വഹിച്ചു. കേരളത്തിൽ നിന്നും യുകെയിലേക്ക് ജോലിയുമായി ബന്ധപ്പെട്ട് എത്തിയ മലയാളി യുവാക്കൾ ചേർന്ന് രൂപീകരിച്ച ക്ലബാണ് വാറ്റ്‌ഫോർഡ് വാരിയേഴ്സ്.