കുവൈത്ത് സിറ്റി∙ ഓൺ‌കോസ്റ്റ് കാഷ് ആൻഡ് ക്യാരി ഉപഭോക്താക്കൾക്കു പണമിടപാടിനുള്ള സർവീസ് ചാർജിൽ 50% ഇളവുമായി നാഷനൽ എക്സ്ചേഞ്ച് മണി ട്രാൻസ്ഫർ കമ്പനി. ഇതു സംബന്ധിച്ച കരാറിൽ രണ്ടു സ്ഥാപനങ്ങളും ഒപ്പുവച്ചു.

വിദേശത്തേത്തു പണമയയ്ക്കുന്നതിനു നിലവിൽ ഈടാക്കുന്ന ഒരു ദിനാറിന് പകരം ഓൺകോസ്റ്റ് പ്രിവിലേജ് കാർഡ് ഉടമകൾ നാഷനൽ എക്സ്ചേഞ്ച് കമ്പനിയിൽ 500 ഫിൽ‌സ് നൽകിയാൽ മതിയാകും. ഓൺകോസ്റ്റ് ചീഫ് ഓപ്പറേറ്റിങ് ഓഫിസർ രമേശ് ആനന്ദദാസ്, മാർക്കറ്റിങ് മാനേജർ തലാൽ അൽ ഗാരബലി, മാർക്കറ്റിങ് കോ-ഓർഡിനേറ്റർ റിക്കി സികുൻഹ, നാഷനൽ എക്സ്ചേഞ്ച് കമ്പനി ചീഫ് കൺസൽറ്റന്റ് ഒ.എൻ. നന്ദകുമാർ, ജനറൽ മാനേജർ സമീർ അബ്ദുൽ സത്താർ, അഹമ്മദ് ഗുനൈം എന്നിവർ ചടങ്ങിൽ സംബന്ധിച്ചു.