അബുദാബി∙ ലോകത്തിലെ ഏറ്റവും വലിയ ഇൻഡോർ ക്ലൈംബിങ് വാൾ 2020ൽ അബുദാബിയിലെ യാസ് ഐലൻഡിൽ തുറക്കും. 36.7 കോടി ദിർഹം ചെലവിലാണ്  അള്ളിപ്പിടിച്ചു കയറാവുന്ന 43 മീറ്റർ ഉയരമുള്ള മതിൽ ഒരുക്കുന്നത്. സാഹസിക വിനോദ സഞ്ചാരികൾക്ക് പുത്തൻ ആകർഷണമായിരിക്കും ഇതെന്നു നിർമാതാക്കളായ മിറൽ സിഇഒ മുഹമ്മദ് അബ്ദുല്ല അൽ സാബി പറഞ്ഞു.

മതിലിൽ കയറാനെത്തുന്നവർക്കു യാസ് മാളിലും ഫെറാരി വേൾഡ് അബുദാബിയിലേക്കും പ്രവേശനം അനുവദിക്കും. നാലു ഭാഗങ്ങളുള്ള മതിലിൽ തുടക്കക്കാർക്ക് ആയാസ രഹിതമായ ഭാഗവും പരിചയ സമ്പന്നർക്കു പ്രയാസപ്പെട്ട വശവും തിരഞ്ഞെടുക്കാം. ലോകത്തിലെ ഏറ്റവും വീതി കൂടിയ ഫ്ലൈറ്റ് ചേംബറിൽ നിന്ന് സ്കൈ ഡൈവ് ചെയ്യാനും അവസരമുണ്ട്.