സ്കീ ദുബായ്ക്ക് വീണ്ടും രാജ്യാന്തര അംഗീകാരം

ദുബായ്∙ ലോകത്തിലെ ഏറ്റവും മികച്ച ഇൻഡോർ റിസോർട്ട് ആയി തുടർച്ചയായ 5ാം വർഷവും സ്കീ ദുബായ്. ഉല്ലാസമേഖലകൾ, ഭക്ഷണശാലകൾ, മറ്റു സൗകര്യങ്ങൾ എന്നിവ കണക്കിലെടുത്താണ് രാജ്യാന്തര അംഗീകാരമുള്ള 'വേൾഡ് സ്കീ അവാർഡ്സ്' തിരഞ്ഞെടുത്തത്.

ഈജിപ്ത്, ജർമനി, ചൈന, സ്പെയിൻ, സ്കോട് ലൻഡ്, ന്യൂസീലൻഡ്, നെതർലൻഡ്സ് എന്നിവിടങ്ങളിലെ സ്കീ റിസോർട്ടുകളെ പിന്തള്ളിയാണ് ദുബായിയുെട നേട്ടം.

പ്രഫഷനലുകൾ, സന്ദർശകർ എന്നിവരുടെ വോട്ടുകളെ അടിസ്ഥാനമാക്കിയായിരുന്നു തിരഞ്ഞെടുപ്പ്. 2005ൽ മാജിദ് അൽ ഫുത്തൈമാണ് മധ്യപൂർവദേശത്തെ ആദ്യ സ്കീ റിസോർട്ട് ദുബായിൽ തുറന്നത്. സ്നോ പാർക്കുകൾ, പെൻഗ്വിനുകൾ, ഉല്ലാസ പരിപാടികൾ എന്നിവയുണ്ട്. രാജ്യാന്തര മത്സരങ്ങളുടെ വേദികൂടിയാണിത്.