ഉപേക്ഷിക്കപ്പെട്ട 2,500 വാഹനങ്ങൾ നീക്കി

ദോഹ∙ ഈ വർഷം ഇതുവരെ നീക്കിയത് വിവിധ കാരണങ്ങളാൽ പൊതുനിരത്തുകളിൽ ഉപേക്ഷിക്കപ്പെട്ട 2,500 വാഹനങ്ങൾ.

നഗരസഭ പരിസ്ഥിതി മന്ത്രാലയത്തിലെ വാഹനനീക്കൽ സംയുക്ത കമ്മിറ്റിയുടെ മേൽനോട്ടത്തിൽ വിവിധ നഗരസഭകളിൽ നിന്നാണ് ഇത്രയധികം വാഹനങ്ങൾ നീക്കിയത്. അൽ റയാൻ നഗരസഭയിൽ കഴിഞ്ഞ ദിവസം വാഹന നീക്കൽ ക്യാംപെയ്ൻ തുടങ്ങി. പൊതുശുചിത്വം ഉറപ്പാക്കാനും രാജ്യത്തിന്റെ സൗന്ദര്യം സംരക്ഷിക്കാനും ലക്ഷ്യമിട്ടാണ് വാഹന നീക്കൽ.