സഹകരണച്ചരടിൽ അമീർ –യുഎഇ സുരക്ഷാ ഉപദേഷ്ടാവ് കൂടിക്കാഴ്ച

ദോഹ∙അമീർ ഷെയ്ഖ് തമീം ബിൻ ഹമദ് അൽതാനി യുഎഇ ദേശീയ സുരക്ഷാ ഉപദേഷ്ടാവ് ഷെയ്ഖ് തഹ്‌നൂൻ ബിൻ സായിദ് അൽ നഹ്യാനുമായി കൂടിക്കാഴ്ച നടത്തി.

ഔദ്യോഗിക സന്ദർശനത്തിനായി ദോഹയിലെത്തിയ ഷെയ്ഖ് തഹ്‌നൂൺ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, ദുബായ് ഭരണാധികാരിയും യുഎഇ വൈസ് പ്രസിഡന്റുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം എന്നിവരുടെ ആശംസകളും അമീറിനെ അറിയിച്ചു.

ഖത്തറും യുഎഇയും തമ്മിൽ വിവിധ മേഖലകളിലുള്ള സഹകരണം ശക്തിപ്പെടുത്തുന്നതിനുള്ള മാർഗങ്ങളാണ് പ്രധാനമായും ചർച്ചയായത്. മേഖലാ, രാജ്യാന്തര തലങ്ങളിലെ പൊതുതാൽപര്യമുള്ള വിഷയങ്ങളും ചർച്ചയായി.