മൂന്നാം വർഷവും ഗിന്നസ് വേൾഡ് റെക്കോർഡ് സ്വന്തമാക്കി നൂർ റിയാദ് 2023 ഫെസ്റ്റിവൽ

റിയാദ് ∙ റിയാദ് സിറ്റിയിലെ റോയൽ കമ്മീഷൻ സംഘടിപ്പിച്ച 'നൂർ റിയാദ് 2023 ഫെസ്റ്റിവൽ' തുടർച്ചയായ മൂന്നാം വർഷവും പുതിയ ആറ് ഗിന്നസ് വേൾഡ് റെക്കോർഡ് സ്വന്തമാക്കി.പ്രകാശത്തിന്റെ ഏറ്റവും വലിയ ഉത്സവം നവംബറിലാണ് ആരംഭിച്ചത്.

ഡിസംബർ 30വരെ രാജ്യ തലസ്ഥാനത്തെ അഞ്ച് പ്രധാന സ്ഥലങ്ങളിലായി നടക്കുന്ന പരിപാടിയിൽ ഏകദേശം 3 ദശലക്ഷം സന്ദർശകർ എത്തും. മൂന്നു വർഷത്തിനിടെ ആകെ 14 ഗിന്നസ് വേൾഡ് റെക്കോർഡുകളാണ്  നേടിയത്.

നൂർ റിയാദ് 2023 നമ്മുടെ നഗരത്തെ മാത്രമല്ല, നമ്മുടെ ഹൃദയങ്ങളെയും മനസ്സിനെയും പ്രകാശിപ്പിച്ചു. ഇത് അവസാനിക്കുമ്പോൾ, റിയാദിന്റെ കലാ-സാംസ്കാരിക ഭൂപടത്തിൽ പുതു ചരിതം അടയാളപ്പെടുത്തുമെന്ന് റിയാദ് ആർട് എക്സിക്യൂട്ടീവ് ഡയറക്ടർ ഖാലിദ് അൽ ഹസാനി പറഞ്ഞു.