ലിസിമോൾ ഷാജിക്ക് ആദരാഞ്ജലി; മലയാളി സമൂഹം ബോർട്ടിൽ ഒത്തുചേരും

ബെൻഡിഗോ ∙അകാലത്തിൽ വിട പറഞ്ഞ ലിസിമോൾ ഷാജിക്ക് ആദരാഞ്ജലി അർപ്പിക്കാൻ ബെൻഡിഗോ - ബോർട്ട്‌ മലയാളി സമൂഹം ശനിയാഴ്ച (മാർച്ച് 20 ) ബോർട്ടിൽ ഒത്തുചേരും. 

കോട്ടയം കുറുപ്പന്തറ കളരിക്കൽ ഷാജിയുടെ ഭാര്യ ലിസിമോൾ ഷാജി (52) കഴിഞ്ഞ ദിവസമാണു മരിച്ചത്. ബെൻഡിഗോ  ബോർട്ട് ഡിസ്ട്രിക്റ്റ് ഹോസ്പിറ്റലിൽ നഴ്സ് ആയിരുന്ന ലിസിമോൾ ക്യാൻസർ രോഗബാധയെത്തുടർന്നു മരിച്ചതു സുഹൃത്തുക്കൾക്കും ബന്ധുക്കൾക്കും കടുത്ത ആഘാതമായിരുന്നു .

കടുത്തുരുത്തി  ആപ്പാഞ്ചിറ പൂഴിക്കോൽ പയ്യാംതടത്തിൽ  പരേതനായ പാപ്പച്ചന്റെയും ത്രേസിയാമ്മയുടെയും മകളാണ്.സഹോദരങ്ങൾ : ടെസ്സി സാബു തൈപ്പറമ്പിൽ -ബ്രിസ്ബെയ്ൻ ,  സലേഷ്യൻ സഭാംഗമായ ഫാ. പി. എസ്‌ . ജോർജ് -  ബാംഗ്ലൂർ , ജോൺസൺ പൈയാംതടത്തിൽ -ആപ്പാഞ്ചിറ എന്നിവരാണ്.

ബോർട്ട്‌ സെന്റ്  പാട്രിക് പള്ളിയിലാണ് പൊതു ദർശനവും അനുസ്മരണ ശുശ്രുഷകളും നടക്കുന്നത് .ശനിയാഴ്ച ഉച്ച കഴിഞ്ഞു 2 മുതൽ 4 വരെയാണ് ചടങ്ങുകൾ . സിറോ മലബാർ മെൽബൺ രൂപതാ വൈദീകനായ ഫാ .സോജൻ മാത്യു എഴുന്നൂറ്റിൽ ദിവ്യബലിക്കും അനുസ്മരണ ശുശ്രുഷകൾക്കും കാർമികത്വം വഹിക്കും .

മെൽബൺ ബിഷപ് മാർ ബോസ്കോ പുത്തൂർ അടക്കമുള്ളവർ കുടുംബാംഗങ്ങളെ അനുശോചനം അറിയിച്ചു .

26 നു ലിസിമോളുടെ മൃതദേഹം നാട്ടിലേക്ക് കൊണ്ടുപോകും .കുറുപ്പുംതറ മണ്ണാറപ്പാറ പള്ളിയിലാണ് സംസ്കാര ചടങ്ങുകളെന്നും ബന്ധുക്കൾ അറിയിച്ചു.