പ്രഥമ ഓൾ ഓഷ്യാന ക്നാനായ വോളിബോൾ ടൂർണമെന്റ് ഒരുക്കങ്ങൾ പ‍ൂർത്തിയായി

കാൻബറ∙ കെസിസിഒയുടെ സഹകരണത്തോടെ കാൻബറ ക്നാനായ കാത്തലിക് അസോസിയേഷൻ ആതിഥ്യം അരുളുന്ന പ്രഥമ ഓൾ ഓഷ്യാന ക്നാനായ വോളിബോൾ ടൂർണമെന്റിനുള്ള എല്ലാവിധ ഒരുക്കങ്ങളും പൂർത്തിയായി. മേയ് 28 ന് കാൻബറയിലെ ലൈനം ഇൻഡോർ സ്റ്റേഡിയത്തിൽ നടത്തുന്ന  ടൂർണമെന്റിൽ ആതിഥേയരായ കാൻബറയെ കൂടാതെ ബ്രിസ്ബേൻ, ന്യൂകാസിൽ, സിഡ്നി, മെൽബൺ, പെർത്ത്  തുടങ്ങിയ സ്ഥലങ്ങളിൽ നിന്നും എത്തുന്ന ഒൻപതു ടീമുകളാണ് ഏറ്റുമുട്ടുന്നത്.

രണ്ടു തലമുറയിൽ പെട്ട കളിക്കാരുടെ സാന്നിധ്യം കൊണ്ടും ആകർഷകമായ സമ്മാന തുക  കൊണ്ടും ശ്രദ്ധേയമാകുന്ന ഈ വോളിബാൾ മാമാങ്കത്തിനു പരിപൂർണ്ണ പിന്തുണ നൽകി സഹായിക്കുന്ന ഞങ്ങളുടെ സ്പോൺസർമാരോടുള്ള നന്ദിയും കടപ്പാടും ഈ അവസരത്തിൽ രേഖപ്പെടുത്തുന്നു. 

മേയ് 28 ന് കാൻബറയിൽ നടക്കുന്ന തീ പാറുന്ന പോരാട്ടത്തിന്റെ നേർ സാക്ഷികളാകുവാൻ എല്ലാ വോളീബാൾ പ്രേമികളെയും ഞങ്ങൾ ലൈനം   ഇൻഡോർ വോളിബോൾ സ്റ്റേഡിയത്തിലേക്കു സാദരം ക്ഷണിക്കുന്നു. രാവിലെ 10 മണിക്ക് ആരംഭിക്കുന്ന മത്സരങ്ങൾ വൈകിട്ടു സമാപിക്കും. ഒരേ സമയം നാലു കോർട്ടുകളിൽ മത്സരങ്ങൾ നടത്താവുന്ന ക്രമീകരണങ്ങൾ ഈ സ്റ്റേഡിയത്തിന്റെ പ്രത്യേകതയാണ് . മത്സര വിജയികൾക്കുള്ള സമ്മാനത്തുകയും ട്രോഫിയും മത്സരാനന്തരം നടക്കുന്ന സമ്മാനദാന ചടങ്ങിൽ വിതരണം ചെയ്യും. 

KCCO & CKCA നേതൃത്വത്തിനുവേണ്ടി 

ചാണ്ടി മാത്യു കറുകപ്പറമ്പിൽ &

സോജി എബ്രഹാം മുളയാനിക്കൽ