ഹൂസ്റ്റണിൽ എക്യൂമെനിക്കൽ ബൈബിൾ കൺവൻഷൻ ഓഗസ്റ്റ് 26 മുതൽ

ഹൂസ്റ്റണ്‍∙സുപ്രസിദ്ധ കണ്‍വൻഷൻ പ്രസംഗകനും പ്രമുഖ വേദപണ്ഡിതനും  ചിന്തകനുമായ വെരി. റവ. ഫാ. പൗലോസ് പാറേക്കര കോറെപ്പിസ്കോപ്പായുടെ ദൈവവചനപ്രഘോഷണം ഹൂസ്റ്റണിൽ. ഇന്ത്യൻ ക്രിസ്ത്യൻ എക്യുമെനിക്കൽ കമ്മ്യൂണിറ്റി ഓഫ് ഹൂസ്റ്റണിന്‍റെ (ഐസിഇസിഎച്ച്) ആഭിമുഖ്യത്തിൽ ഓഗസ്റ്റ് 26,27 (തിങ്കൾ,ചൊവ്വ) തീയതികളിൽ ഇമ്മാനുവേൽ മാർത്തോമ്മാ ദേവാലയത്തിൽ ( 12803, Sugar Ridge Blvd, Stafford,TX 77477) നടത്തുന്ന ബൈബിൾ കണ്‍വൻഷണിൽ വെരി.റവ.ഫാ. പൗലോസ് പാറേക്കര കോറെപ്പിസ്കോപ്പാ തിരുവചനപ്രഘോഷണം നടത്തും.   

വൈകിട്ട് 6 മുതൽ 9 വരെ നടത്തപ്പെടുന്ന കണ്‍വൻഷൻ യോഗങ്ങൾ ഗാനശുശ്രൂഷയോടുകൂടി ആരംഭിക്കും.

സ്വതസിദ്ധമായ ശൈലിയിൽ ദൈവചനത്തിന്‍റെ ആഴമേറിയ മർമ്മങ്ങൾ ലോകമെങ്ങും പ്രഘോഷിച്ചു കൊണ്ടിരിക്കുന്ന ഈ വൈദികശ്രേഷ്ഠന്‍റെ പ്രഭാഷണങ്ങൾ ശ്രവിക്കുന്നതിനും കണ്‍വൻഷൻ യോഗങ്ങൾ അനുഗ്രഹകരമാക്കി തീർക്കുന്നതിനും ജാതിമത ഭേദമെന്യേ ഏവരെയും യോഗങ്ങളിലേക്ക് സ്വാഗതം ചെയ്യുന്നുവെന്ന് ഭാരവാഹികൾ അറിയിച്ചു.

കണ്‍വൻഷൻ യോഗങ്ങൾ സംബന്ധിച്ച് കൂടുതൽ വിവരങ്ങൾക്ക് ബന്ധപ്പെടുക.

വെരി.റവ.ഫാ. സഖറിയാ പുന്നൂസ് കോറോപ്പിസ്കോപ്പ - 713-501-8861

റവ. ഫാ. ഐസക് ബി.പ്രകാശ് - 832 997 9788 

അനൂപ് ചെറുകാട്ടൂർ - 727 255 3650