ഷിക്കാഗോ മലയാളി അസോസിയേഷന്റെ സുവർണ്ണ ജൂബിലി ആഘോഷം ജൂൺ 24ന്

ഷിക്കാഗോ ∙ ഷിക്കാഗോ മലയാളി അസോസിയേഷന്റെ 50–ാം വാർഷികം ജൂൺ  24ന് ശനിയാഴ്ച എൽമേസ്റ്റിലുള്ള വാട്ടർ ഫോർഡ് ബാങ്ക്വറ്റ് ഹാളിൽ വച്ച് നടത്തുന്നു. ഷിക്കാഗോ മലയാളി അസോസിയേഷൻ രൂപം കൊണ്ടിട്ട് 50 വർഷം പൂർത്തിയായതിന്റെ ഭാഗമായി നടത്തുന്ന ഈ ആഘോഷങ്ങളിൽ സെമിനാർ, ക്ലാസുകൾ, അവാർഡ് ദാനചടങ്ങ്, കലാപരിപാടികൾ, പൊതുയോഗം ഡിന്നർ എന്നിവ ഉണ്ടായിരിക്കും.

സുവർണ്ണ ജൂബിലിയോടനുബന്ധിച്ച് 250 പേജുള്ള ഒരു സുവനീർ പുറത്തിറക്കും. സുവനീറിൽ വിവിധ കലാസൃഷ്ടികള്‍, ഫോമ/ഫൊക്കാന, അമേരിക്കയിലുള്ള മറ്റു സംഘടനകളുടെ വിവരങ്ങൾ, പൊതുവിവരങ്ങൾ, ഫാമിലി ഫോട്ടോകൾ, സ്പോൺസർഷിപ്പുകൾ എന്നിവ ഉൾക്കൊള്ളിച്ചുള്ളിക്കും.

കൺവൻഷന്റെ ചെയർമാൻ ലെജി പട്ടരുമഠം, ഫിനാൻസ് ചെയർമാൻ ജോൺസൻ കണ്ണൂക്കാടൻ, സുവനീർ ചെയർമാൻ – അച്ചൻ കുഞ്ഞ് മാത്യു, കൺവൻഷൻ കോ. ചെയർ ഡോ. സിബിൾ ഫിലിപ്പ്, ഫിനാൻഷ്യൽ കോ ചെയർ– വിവീഷ് ജേക്കബ് എന്നിവരായിരിക്കും എന്ന് പ്രസിഡന്റ് ജോഷി വള്ളിക്കളം അറിയിച്ചു.