മനസ്സു പറയുന്നു, ഒരു പാട്ടു പാടാൻ; സമ്മർദമകറ്റാൻ അങ്ങ് പാടിക്കോളൂന്നേ...

ഇനി ഒരു പാട്ടു കേട്ടാലോ?... മനസ്സൊന്നു തണുക്കട്ടെ. സംഗീതത്തിന് മനസ്സിന്റെ വിഷമങ്ങളും സമ്മർദവുമെല്ലാം ശമിപ്പിക്കാനുള്ള കഴിവുണ്ട്. മുതിർന്ന പൗരന്മാർക്ക് പലപ്പോഴും മാനസികസമ്മർദം വിനയാകുന്നതിനാൽ മനസ്സിനെ ശാന്തമാക്കേണ്ടത് അത്യാവശ്യമാണ്. പാടാനറിയാമെങ്കിലും ഇല്ലെങ്കിലും ഒരു പാട്ടു മൂളുക. അത് മനസ്സിന് അൽപം സുഖം തരും. മാനസികസമ്മർദം കുറയ്ക്കാനുള്ള സംഗീതത്തിന്റെ ശക്തി അംഗീകരിക്കപ്പെട്ടതാണ്. പ്രായമേറിയവരിൽ സംഗീതം കൂടുതൽ സാന്ത്വനം നൽകുന്നതായും പഠനങ്ങൾ വെളിവാക്കുന്നു. 

മനസ്സിന് ഊർജം പകർന്ന് പോസിറ്റീവ് ചിന്തകൾ കൊണ്ടുവരാൻ സംഗീതത്തിനു കഴിവുണ്ട്. പഴയകാലത്തെ ഓർമകൾ തിരിച്ചുകൊണ്ടുവരാൻ സംഗീതം പലപ്പോഴും സഹായിക്കും. 

കുട്ടിക്കാലത്തു കേട്ട ഒരു പാട്ട് വീണ്ടും കേട്ടാൽ എങ്ങനെയുണ്ടാകും? പഴയകാലത്തെ ഓർമകൾ നിരനിരയായി വരികയായി പിന്നെ. 

ആകുലചിന്തകൾ ഒഴിവാക്കാൻ സംഗീതം സഹായിക്കും. കുടുംബാംഗങ്ങളോടൊത്തിരുന്നു പാട്ടുകേൾക്കൂ. ഈ പാട്ടിനെക്കുറിച്ചു സംസാരിക്കൂ. അല്ലെങ്കിൽ സുഹൃത്തുക്കളായ സംഗീതപ്രേമികൾക്കൊപ്പം കുറച്ചുസമയം ചെലവിടൂ. സംഗീതം നിങ്ങളിൽ ആഹ്ലാദം നിറയ്ക്കും. 

Content Summary: Mental stress Relie Tips