െജെവ വളം, കീടനാശിനി തയാറാക്കുന്ന വിധം

പുകയിലക്കഷായം: 50 ഗ്രാം പുകയില അര ലീറ്റർ വെള്ളത്തിൽ ഒരു ദിവസം ഇട്ടതിനുശേഷം നന്നായി ഇളക്കിച്ചേർത്ത് അരിച്ചെടുക്കുക. ഇതിലേക്ക് സോപ്പ് ലയിപ്പിച്ചു ചേർത്ത് 2–5 ലീറ്റർ വെള്ളം കൂടി ചേർത്തിളക്കി പ്രയോഗിക്കാം.

ജൈവസ്ലറി: 5 കിലോ പച്ചച്ചാണകം, 500 ഗ്രാം കടലപ്പിണ്ണാക്ക്, 500 ഗ്രാം വേപ്പിൻപിണ്ണാക്ക്, 5 ലീറ്റർ വെ ള്ളം എന്നിവ ചേർത്തിളക്കി ഒരു വലിയ പാത്രത്തിൽ അടച്ചുവച്ച് 5 ദിവസം പുളിപ്പിക്കുക. ഓരോ ദിവസവും നന്നായി ഇളക്കിക്കൊടുക്കുക.

വേപ്പെണ്ണ– വെളുത്തുള്ളി മിശ്രിതം: ‌വേപ്പെണ്ണ , വെളുത്തുള്ളി അരച്ചത്, സോപ്പ് എന്നിവ 4 ടീസ്പൂൺ വീതമെടുത്ത് ഒരു ലീറ്റർ വെള്ളത്തിൽ കലക്കി അരിച്ചെടുക്കുക.

പഞ്ചഗവ്യം: പശുവിന്റെ ചാണകം, മൂത്രം, പാൽ, തൈര്, നെയ്യ് എന്നിവ ഉപയോഗിച്ചു തയാറാക്കുന്ന, ദ്രാവകരൂപത്തിലുള്ള വളർച്ചാത്വരകം. ഇതിലെ ഹോർമോണുകളുെട പ്രവർത്തനം പൂവിടലും കായ്പിടിത്തവും മെച്ചപ്പെടുത്തുന്നു.