എമു: ചെറിയ പരിചരണം ആവശ്യമായ വലിയ പക്ഷി

ഓസ്‍ട്രേലിയക്കാരായ എമു നമ്മുടെ നാട്ടിൽ പ്രചാരത്തിലായിട്ട് ഒരുപാട് കാലമായിട്ടില്ല. നിരവധി പേർ എമുവളർത്തലിലേക്ക് തിരിയുകയും ചെയ്തു. വാണിജ്യാടിസ്ഥാനത്തിലും കൗതുകത്തിനും പറക്കാൻ ശേഷിയില്ലാത്ത എമുപ്പക്ഷികളെ വളർത്തുന്നവർ നിരവധിയുണ്ട്. എമുപക്ഷികളെക്കുറിച്ചും അവയുടെ പരിപാലനത്തെക്കുറിച്ചും ചില കാര്യങ്ങൾ അറിയാം.

• തീറ്റ, വെള്ളം എന്നിവ നൽകലും കാഷ്ഠം നീക്കലുമാണ് പ്രധാന ജോലി.
  
• ദിവസം 2-3 നേരം മുട്ട ശേഖരിക്കേണ്ടി വരും.
• ഒരു വ്യക്തിക്ക് 100 എമുവിനെ പരിപാലിക്കാൻ കഴിയും.
• മികച്ച രോഗപ്രതിരോധശേഷിയുള്ള പക്ഷിയാണ് എമു.
• കോഴികളെ സാധാരണ ബാധിക്കുന്ന രോഗങ്ങളൊന്നുംതന്നെ എമുവിനെ ബാധിക്കാറില്ല.
• എമു ഏതു കാലാവസ്ഥയിലും വളരും.
• പൂജ്യം ഡിഗ്രി സെൽഷ്യസ് തണുപ്പിലും 52 ഡിഗ്രി സെൽഷ്യസ് ചൂടിലും എമു വളരും.

• മിശ്രഭോജിയായ എമു ഇലകൾ, പച്ചക്കറി അവശിഷ്ടങ്ങൾ, പഴങ്ങൾ, ചെറുപ്രാണികൾ, പുഴുക്കൾ എന്നിവ ഭക്ഷിക്കും.
• ലേയർ കോഴിത്തീറ്റ കൊടുത്തും എമുവളര്ത്താം.
• ആക്രമണസ്വഭാവം കുറവ്.
• പരിചയമായിക്കഴിഞ്ഞാൽ സ്നേഹം പ്രകടിപ്പിക്കുകയും ചെയ്യും.
• 40 വർഷം വരെ ആയുസുള്ള എമു നമ്മുടെ ജീവിതകാലം മുഴുവൻ വളർത്താവുന്ന പക്ഷിയാണ്.
• 20 വർഷം വരെ ഉൽപാദനകാലവുമുണ്ട്. അതുകൊണ്ടുതന്നെ എമുവളര്ത്തല് ഒരു ദീര്ഘകാല ബിസിനസാണ്.
• എമുവിനെ വളർത്താനും ഉൽപന്നങ്ങൾ വിൽക്കാനും വനം വകുപ്പിന്റെ അനുവാദം ആവശ്യമില്ല.
• 1972 ലെ വന്യജീവി സംരക്ഷണനിയമത്തിൽ എമുവിനെ ഉൾപ്പെടുത്തിയിട്ടില്ല.