ചെമ്പരത്തി പൂവ് (കവിത)
ചൂടുവാനെനിക്കെന്തുണ്ട്?
നീ തന്നൊരാ പൂവല്ലാതെ...
പുണരുവാനെനിക്കെന്തുണ്ട് ?
ആ പൂവിലെയൊരു ഇതളല്ലാതെ...
നുകരുവാനെനിക്കെന്തുണ്ട്?
ആ ഇതളിലെ കടും കയ്പ്പല്ലാതെ...
പകരുവാനെനിക്കെന്തുണ്ട്?
ആ കയ്പ്പിലെ ഇളം മധുരമല്ലാതെ...
പൊഴിയുവാനെനിക്കെന്തുണ്ട് ?
ആ മധുരത്തിലൂറുമെൻ കണ്ണീരല്ലാതെ...
അലിയുവാനെനിക്കെന്തുണ്ട്?
ആ കണ്ണീരിലടിയും നിൻ ഓർമയല്ലാതെ...
നേടുവാനെനിക്കെന്തുണ്ട്?
ആ ഓർമയിലിരച്ചെത്തും നിന്നെയല്ലാതെ...
നൽകുവാനെനിക്കെന്തുണ്ട് ?
നിനക്കായ് തുടിക്കുമെൻ ഹൃദയമല്ലാതെ..!