താരകങ്ങൾ മായ്ച്ച നിഴൽ ( കവിത)
താരകങ്ങൾ മായ്ച്ച നിഴൽ ( കവിത)
വാതിൽ പഴുതിലൂടെ നിൻ നിഴൽ എൻ മിഴിയിൽ ആദ്യമായി പതിഞ്ഞ നേരം.....
എൻ മനസ്സിൽ ആദ്യമായി മൂളിയ സ്നേഹ ഗീതം........
അതുവരെ കേൾക്കാത്ത പ്രണയ ഗീതം
എൻ മേനിയിൽ ഒന്നാകെ അലിഞ്ഞു ചേർന്നു..........
ആ ഈണത്താൽ എന്നിൽ മുളച്ച ചെറിയ ചിറകുകളാൽ
ആ വലിയ സുന്ദര സ്വപ്നത്തിൻലോകത്തു ഞാൻ പറന്നിറങ്ങി...............
കൂടപ്പിറപ്പുകളായ താരകങ്ങളുടെയും.എന്നെ വലം വെച്ച ഗ്രഹങ്ങളുടെയും കണക്കു നിരത്തി
ആരോ എൻ മുന്നിൽ ആ വാതിൽ കൊട്ടിയടച്ചു
നിൻ നിഴൽ എന്നേക്കുമായി എന്നിൽ നിന്നും അകന്നു പോയി..
കാലം എത്ര കഴിഞ്ഞട്ടും ആ കണക്കുകൾ മാത്രം എന്നിൽ അവശേഷിച്ചു..
അന്ന് ആദ്യമായി മൂളിയ ആ ഈണങ്ങൾ നിൻ നിഴലിനെ പോലെ
എന്നിൽ നിന്നും അകന്നു പോയി
എന്നേക്കു മായി ഞാൻ തനിച്ചായി..............
English Summary : Tharakangal Maycha Nizhal Jinju Raj T Babu