തുടരൂ രാജ രാജാവേ തവ മേളകൾ ചുറ്റിലും...യവനിക മുടങ്ങാതെ തിളങ്ങട്ടെയനുദിനം

 

മമ്മൂട്ടിയുടെ ജന്മദിനത്തോടനുബന്ധിച്ച് സിനിമാ പേരുകൾ കൊണ്ടൊരു കവിത

ഒരാൾ മാത്രം (കവിത)

തനിയാവർത്തനം വിട്ടു-

ണർന്നൂ ദിനരാത്രങ്ങൾ

 

സായംസന്ധ്യയിൽപൂത്തു

നവമേഘസരോവരം

 

യാത്രതൻതോണി നീങ്ങുന്നു.

അമരത്തൊരു താരകം

 

അടിക്കുറിപ്പിൽബെസ്റ്റാക്ടർ

സുകൃതംവിധേയമാംമുഖം

 

മേളകൾ തീരാറായില്ല

ഇനിയും ഇതിലേ വരൂ.

 

അടിയൊഴുക്കുണ്ടെന്നാലും

പുറപ്പാടുണ്ട്,വേഷങ്ങൾ

 

കഥകേൾക്കുമ്പോൾതാപ്പാന

അഭിനയത്തിൽ ജാഗ്രത

 

ആയിരംകണ്ണുമായ്ഞങ്ങൾ

കാത്തിരിപ്പു പ്രജാപതേ

 

 

ഭൂതക്കണ്ണാടിവെച്ചുകൊ-

ണ്ടിരിക്കുന്നൊന്നുകാണുവാൻ

 

അരയന്നങ്ങൾതൻവീട്ടിൽ

വർഷാവർഷവുമെത്തുക.

 

മൃഗയാ സമയേ വന്നു

ഒളിയമ്പുകളേൽക്കൊലാ

 

കനൽക്കാറ്റേറ്റഭാവത്തി

ന്നറിയാംവജ്ര സൂചികൾ

 

കാണാംരാക്ഷസരാജാവായ്

ചില നേരം പ്രമാണിയും

 

നേരറിയാൻ പരുന്തായി

വീണ്ടുമെത്തുക ഭൂതമേ

 

 

മതിലിന്നിപ്പുറം നില്കാ -

താവനാഴി നിറക്കുക.

 

മായാവിയായ് ഒരാൾ മാത്ര-

മാകാതെനിറഞ്ഞാടുക.

 

ഇന്ദ്രപ്രസ്ഥംകടന്നെത്തും

രാജമാണിക്യമാകുക.

 

മഴയെത്തുംമുൻപേപോയ്

പുത്തൻപണക്കാർചിലർ

 

തന്ത്രത്താൽമുക്തിനേടിപ്പോയ്

ഉദ്യാനപാലകനിവൻ

 

പുതിയനിയമങ്ങൾവന്നാലും

ന്യായവിധിയിലമരുക

 

പത്തേമാരിയിലുലയാതെ

നിറക്കൂട്ടുകൾകാണുക.

 

തുടരൂ രാജ രാജാവേ

തവ മേളകൾ ചുറ്റിലും

 

യവനിക മുടങ്ങാതെ

തിളങ്ങട്ടെയനുദിനം.

 

Content Summary: Writers Blog - Mammootty Birthday Special Poem by Jayendran Melazhiyam