വേദനിക്കുന്നവരുടെ കണ്ണുകൾ – സുമ റോസ് എഴുതിയ കവിത
വേദനിക്കുന്ന മനുഷ്യരുടെ കണ്ണുകൾ കണ്ടിട്ടുണ്ടോ? അവരുടെ കണ്ണിന് താഴെ കരിനീലിച്ച ഒരു പാടുണ്ട്. വേദനയുടെ അളവുകൾ രേഖപ്പെടുത്തിയ അളവുകോലാണത്. അവരുടെ കണ്ണുകൾക്ക് നിരാശയുടെ ദംശനമേറ്റ് തിളക്കം നഷ്ടപ്പെട്ടിരിക്കും. ദുരനുഭവങ്ങളുടെ ഭാരത്താൽ കൺപോളകൾക്ക് വീക്കമുണ്ടാകും. മോഹഭംഗങ്ങളുടെ
വേദനിക്കുന്ന മനുഷ്യരുടെ കണ്ണുകൾ കണ്ടിട്ടുണ്ടോ? അവരുടെ കണ്ണിന് താഴെ കരിനീലിച്ച ഒരു പാടുണ്ട്. വേദനയുടെ അളവുകൾ രേഖപ്പെടുത്തിയ അളവുകോലാണത്. അവരുടെ കണ്ണുകൾക്ക് നിരാശയുടെ ദംശനമേറ്റ് തിളക്കം നഷ്ടപ്പെട്ടിരിക്കും. ദുരനുഭവങ്ങളുടെ ഭാരത്താൽ കൺപോളകൾക്ക് വീക്കമുണ്ടാകും. മോഹഭംഗങ്ങളുടെ
വേദനിക്കുന്ന മനുഷ്യരുടെ കണ്ണുകൾ കണ്ടിട്ടുണ്ടോ? അവരുടെ കണ്ണിന് താഴെ കരിനീലിച്ച ഒരു പാടുണ്ട്. വേദനയുടെ അളവുകൾ രേഖപ്പെടുത്തിയ അളവുകോലാണത്. അവരുടെ കണ്ണുകൾക്ക് നിരാശയുടെ ദംശനമേറ്റ് തിളക്കം നഷ്ടപ്പെട്ടിരിക്കും. ദുരനുഭവങ്ങളുടെ ഭാരത്താൽ കൺപോളകൾക്ക് വീക്കമുണ്ടാകും. മോഹഭംഗങ്ങളുടെ
വേദനിക്കുന്ന മനുഷ്യരുടെ കണ്ണുകൾ
കണ്ടിട്ടുണ്ടോ?
അവരുടെ കണ്ണിന് താഴെ
കരിനീലിച്ച ഒരു പാടുണ്ട്.
വേദനയുടെ അളവുകൾ
രേഖപ്പെടുത്തിയ അളവുകോലാണത്.
അവരുടെ കണ്ണുകൾക്ക്
നിരാശയുടെ ദംശനമേറ്റ്
തിളക്കം നഷ്ടപ്പെട്ടിരിക്കും.
ദുരനുഭവങ്ങളുടെ ഭാരത്താൽ
കൺപോളകൾക്ക് വീക്കമുണ്ടാകും.
മോഹഭംഗങ്ങളുടെ കനലേറ്റ്
കണ്ണുകൾ പാതിയടഞ്ഞിരിക്കും.
സൂക്ഷിച്ചു നോക്കിയാൽ
ആ കണ്ണുകളിൽ നിശബ്ദ
നിലവിളിയുടെ സാഗരം
അലയടിക്കുന്നതു കാണാം.
ചുറ്റുമുള്ളവർ സ്വയം തീർക്കുന്ന
വലയത്തിനുള്ളിലിരുന്ന്
നോക്കിയാൽ കാണാൻ
പറ്റാത്തതാണിതെല്ലാം.
അതിനാൽ ഉറക്കമിളച്ചതാണെന്ന്
രഹസ്യം പറയും.
വേദനയനുഭവിക്കാത്തവർക്കെല്ലാം
അത് വെറും
കണ്ണുകൾ മാത്രമാണ്.