പ്രമേയം കൊണ്ടും അവതരണം കൊണ്ടും ഏറെ ശ്രദ്ധിക്കപ്പെട്ട റാപ് ട്രാക്കായിരുന്നു  ഗായിക രഞ്ജിനി ജോസും റാപ്പർ അഭിയും ചേർന്നൊരുക്കിയ 'ഭഗവതി'. ആസ്വാദനത്തിന്റെ പുതിയ തലങ്ങൾ പരിചയപ്പെടുത്തിയ ഈ ട്രാക്കിന്റെ ലിറിക്കൽ വിഡിയോ പുറത്തിറക്കിയിരിക്കുകയാണ് രഞ്ജിനി. ഗായികയുടെ യുട്യൂബ് ചാനലിലൂടെയാണ് ട്രാക്ക് ആസ്വാദകരിലേക്കെത്തുന്നത്. 

ഇന്നത്തെ ഭൗതികമായ ചിന്താഗതിയെയും ആധ്യാത്മിക വഴിയെയും സംയോജിപ്പിച്ചുകൊണ്ടുള്ള ശ്രമമാണ് ‘ഭഗവതി’ എന്ന റാപ് വിഡിയോ. പാട്ടിന്റെ ആശയവും വരികളുമെല്ലാം റാപ്പർ അഭിയുടേതാണ്. ഗാനരംഗത്തിലെ രഞ്ജിനിയുടെ വ്യത്യസ്തമായ ലുക്കും ആലാപന ശൈലിയും ആരാധകർക്കിടയിൽ ചർച്ചയായിരുന്നു.

പാട്ടിന്റെ വരികളെ ആസ്വാദകരിലേക്ക് കൂടുതൽ അടുപ്പിക്കുന്നതാണ് ഭഗവതിയുടെ ലിറിക്കൽ വിഡിയോ. മികച്ച പ്രതികരണമാണ് വിഡിയോയ്ക്ക് സമൂഹമാധ്യമങ്ങളിൽ നിന്നു ലഭിക്കുന്നത്.