ഡയലോഗ് പോലെ ഡാൻസും പെർഫെക്റ്റ് ഒക്കെ’; തകർപ്പൻ ചുവടുകളുമായി നൈസൽ ബാബു
'പെര്‍ഫെക്ട് ഓകെ' എന്ന വെറൈറ്റി ഡയലലോഗിലൂടെ വൈറലായ കോഴിക്കോടുകാരൻ നൈസൽ ബാബു വീണ്ടും സമൂഹമാധ്യമങ്ങളിൽ താരമാകുന്നു. 'പെര്‍ഫെക്ട് ഓകെ' ഡയലോഡ് റിമിക്സ് ചെയ്തൊരുക്കിയ പാട്ടിനൊപ്പം ചുവടുവയ്ക്കുന്ന നൈസൽ ബാബുവിന്റെ വിഡിയോ ആണ് ഇപ്പോൾ പുറത്തു വന്നിരിക്കുന്നത്.
ചുരുങ്ങിയ സമയത്തിനകം ശ്രദ്ധേയമായ വിഡിയോ നിരവധി ആസ്വാദകരെ സ്വന്തമാക്കിക്കഴിഞ്ഞു. മികച്ച പ്രതികരണങ്ങളാണു സമൂഹമാധ്യമങ്ങളിൽ നിന്നും ലഭിക്കുന്നത്. സ്റ്റൈലിഷ് ലുക്കിൽ തകർപ്പൻ ചുവടുകളുമായാണ് നൈസൽ ബാബു വിഡിയോയിൽ പ്രത്യക്ഷപ്പെട്ടത്. നൈസലിന്റെ ലുക്കും പ്രകടനവും ആസ്വാദകർക്കിടയിൽ ചർച്ചയായി.
'പെര്‍ഫെക്ട് ഓകെ, അറ്റിറ്റസ് അറ്റ് ടു അറ്റ് റ്റാന്‍ ആന്‍ഡ് ദ് കോണ്‍ ആന്‍ഡ് ദ പാക്ക്'... നൈസലിന്റെ സ്റ്റൈലിൽ സൃഷ്ടിച്ചെടുത്ത ഈ ഇംഗ്ലിഷ് ഡയലോഗ് സമൂഹമാധ്യമങ്ങളിൽ വലിയ ഹിറ്റാണ്. കോഴിക്കോട് സ്വദേശി തന്നെയായ അശ്വിന്‍ ഭാസ്‌ക്കറാണ് നൈസലിന്റെ വിഡിയോയ്ക്ക് ഡിജെ മിക്‌സിങ് ചേര്‍ത്ത് പുതിയ രൂപം നല്‍കിയത്.