ഇന്ന് വാക്സീൻ കുത്തിവയ്പ് 3 ലക്ഷം പേർക്ക്; മാസാവസാനത്തോടെ കാൽ കോടി പേർക്ക്

ജാഗ്രത വേണം, ഉടനീളം

വാക്സീൻ സ്വീകരിക്കുന്നവർ സ്വീകരിക്കേണ്ട ജാഗ്രതാ നടപടികൾ വ്യക്തമാക്കി ആരോഗ്യമന്ത്രാലയം സംസ്ഥാനങ്ങൾക്കു കത്തു നൽകി. പ്രധാന നിർദേശങ്ങൾ:

∙ 18 വയസ്സിനു മുകളിലുള്ളവർക്കു മാത്രമാണ് വാക്സീൻ. 

∙ ഗർഭിണികളും മുലയൂട്ടുന്നവരും വാക്സീൻ സ്വീകരിക്കരുത്.

∙ ഗുരുതര അലർജിയുള്ളവർക്കും ആദ്യ ഡോസ് സ്വീകരിച്ചപ്പോൾ അലർജിയുണ്ടായവർക്കും രണ്ടാം ഡോസെടുക്കുമ്പോഴും പ്രശ്നമുണ്ടാകാം. 

∙ വാക്സീൻ സ്വീകരിക്കുന്നവർ മറ്റെന്തെങ്കിലും രോഗങ്ങൾക്കുള്ള വാക്സീൻ എടുക്കുന്നുണ്ടെങ്കിൽ 14 ദിവസത്തെ വ്യത്യാസം ഉറപ്പാക്കണം. 

∙ രക്തസ്രാവം, രക്തത്തിൽ പ്ലേറ്റ്‍ലെറ്റ്സ് കുറയുന്ന അവസ്ഥ എന്നിവയുള്ളവർ പ്രത്യേക ശ്രദ്ധയോടെ വേണം വാക്സീൻ നൽകാൻ. 

∙ ഏതു വാക്സീൻ സ്വീകരിക്കണമെന്നതു ഗുണഭോക്താവിനു നിശ്ചയിക്കാനാകില്ല. ആദ്യഡോസ് സ്വീകരിച്ച കമ്പനിയുടേതുതന്നെയായിരിക്കണം രണ്ടാമത്തേതും. 

∙ നേരത്തെ കോവിഡ് ബാധിച്ചവർ, ഹൃദ്രോഗം, നാഡീസംബന്ധമായ പ്രശ്നങ്ങൾ, ശ്വാസകോശ രോഗങ്ങൾ, വൃക്ക തകരാർ തുടങ്ങിയവ ഉള്ളവർക്കും വാക്സീൻ പ്രശ്നമാകില്ല. എന്നാൽ, പ്രതിരോധശേഷി കാര്യമായി കുറവുള്ളവർ, എയ്ഡ്സ് ബാധിതർ തുടങ്ങിയവരിൽ വാക്സീന്റെ പ്രതികരണം കുറയാം. 

English Summary: Covid vaccination