മന്ത്രിമന്ദിരങ്ങളെ ചേർത്ത് ഗൗരിയമ്മ തുറന്നിട്ട കിളിവാതിൽ പ്രണയ സ്മാരകം

രാവിലെ ഇരു കാറുകളിൽ പോകുന്ന ഗൗരിയമ്മയും ടിവിയും ഉച്ചയ്ക്ക് ഊണു കഴിക്കാൻ ഒരു കാറിൽ വരുന്നതായിരുന്നു പതിവ്. റോസ് ഹൗസിലേക്ക് ചുറ്റിക്കറങ്ങിയുള്ള ഗൗരിയമ്മയുടെ യാത്ര ബുദ്ധിമുട്ടായതോടെ മതിൽ പൊളിച്ച് കൊച്ചു സ്വകാര്യ ഗേറ്റുണ്ടാക്കി. അതിലൂടെയാണ് ദിവസം പലവട്ടം ഗൗരിയമ്മ ഭർത്താവിന്റെ അടുത്ത് എത്തിയിരുന്നത്. കലഹം മൂർച്ഛിച്ച് ഒരിക്കൽ ഗൗരിയമ്മ ഇറങ്ങിപ്പോയതും ഇതേ ഗേറ്റിലൂടെയാണെന്നതു ചരിത്രം. പിന്നെ ഏറെക്കാലം ആ ഗേറ്റ് അടഞ്ഞുകിടന്നു. 1979 ൽ പി.കെ.വാസുദേവൻ നായർ മന്ത്രിസഭയുടെ കാലത്താണ് പിന്നീട് ഇൗ ഗേറ്റ് തുറന്നത്. 

പുതിയ മന്ത്രിസഭ അധികാരമേൽക്കാനിരിക്കെ, 5 വർഷം ഇവിടെ വസിച്ച മന്ത്രിമാർ പടിയിറങ്ങുകയാണ്. ആ വാതിലിനു കാരണക്കാരിയായ ഗൗരിയമ്മ 5 കിലോമീറ്ററിന് അപ്പുറത്തെ സ്വകാര്യ ആശുപത്രിയിൽ ഇന്നലെ വിടചൊല്ലുമ്പോൾ ഇരു മന്ത്രി മന്ദിരങ്ങളിലും ദുഃഖം തളംകെട്ടി. റോസ് ഹൗസിൽ മന്ത്രി രാമചന്ദ്രൻ കടന്നപ്പള്ളിയും സാനഡുവിൽ മന്ത്രി എം.എം.മണിയുമാണ് താമസക്കാർ.

English Summary: KR Gowri Amma and T.V. Thomas love