ഗോവയിൽ സീറ്റ് വീതിച്ചെടുത്ത് ബിജെപിയും കോൺഗ്രസും; പരീക്കറുടെ പനജിയിൽ അട്ടിമറി

ഏപ്രിൽ 23 ന് കേരളത്തിനൊപ്പമാണ് ഗോവയിലെ തിരഞ്ഞെടുപ്പ് നടന്നത്. 1,135,811 വോട്ടർമാരാണ് ആകെ വോട്ടുചെയ്യാൻ ഉണ്ടായിരുന്നത്. 72.04 ആയിരുന്നു ഗോവയിലെ ആകെ പോളിങ് ശതമാനം. 2014ലെ തിരഞ്ഞെടുപ്പിനേക്കാൾ (76.86 ശതമാനം) കുറവായിരുന്നു പോളിങ്. മൂന്നു നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പും ഇതേ ദിവസം തന്നെ നടന്നിരുന്നു. മാൻഡ്രെം മണ്ഡലത്തിലാണ് ഏറ്റവും ഉയർന്ന പോളിങ് അന്ന് രേഖപ്പെടുത്തിയത്- 81.61 ശതമാനം. ഷിരോദ (80.09), മാപുസ (75.15) എന്നിങ്ങനെയാണ് മറ്റിടങ്ങളിലെ പോളിങ് ശതമാനം. പൊതുവേ സമാധാനപരമായിരുന്നു ഗോവയിലെ തിരഞ്ഞെടുപ്പുകളെല്ലാം. ചിലയിടങ്ങളിൽ ഇവിഎം മെഷീനുകളിൽ പ്രശ്നങ്ങൾ ഉണ്ടായിരുന്നെങ്കിലും അവ വേഗത്തിൽ പരിഹരിച്ച് വോട്ടെടുപ്പ് മുടങ്ങാതെ കൊണ്ടുപോകാൻ സാധിച്ചുവെന്ന് മുഖ്യതിരഞ്ഞെടുപ്പ് ഓഫിസർ കുനാൽ പറഞ്ഞു. നീണ്ട അവധി ദിവസങ്ങളും അവധിക്കാലവും ആയതിനാൽ ആണ് പോളിങ് കുറഞ്ഞതെന്നും അദ്ദേഹം കൂട്ടിച്ചേർത്തു.

നോർത്ത് ഗോവയിൽ ഷിർപാദ് യെസോസോ നായിക്കും സൗത്ത് ഗോവയിൽ നരേന്ദ്ര കേശവ് സ്വവേയ്ക്കറുമായിരുന്നു ബിജെപിയുടെ സ്ഥാനാർഥികൾ. 2014ലെ തിരഞ്ഞെടുപ്പിൽ നോർത്ത് ഗോവയിൽ ഒരു ലക്ഷത്തിലധികം വോട്ടിനും സൗത്ത് ഗോവയിൽ മുപ്പത്തിരണ്ടായിരത്തിൽ അധികം വോട്ടിനുമാണ് ബിജെപി സ്ഥാനാർഥികൾ ജയിച്ചത്. നോർത്ത് ഗോവയിൽ കോൺഗ്രസിന്റെ സംസ്ഥാന പ്രസിഡന്റ് ഗിരീഷ് ചോദൻക്കറും ദക്ഷിണ ഗോവയിൽ മുൻമുഖ്യമന്ത്രി ഫ്രാൻസികോ സർദിൻഹയുമാണ് മൽസരിച്ചത്. സാന്നിധ്യമറിയിച്ച് ആംആദ്മി പാർട്ടിയും ഇവിടെ മൽസരത്തിന് ഇറങ്ങിയിരുന്നു. നോർത്ത് ഗോവയിൽ പ്രദീപ് പഡ്ഗോൻകറും സൗത്ത് ഗോവയിൽ ഇൽവിസ് ഗോമസുമായിരുന്നു എഎപി സ്ഥാനാർഥികൾ.

നാടകീയം, പിന്തുണ പിൻവലിക്കൽ