ഇടയ്ക്കിടെ ഈ ‘ഷൂട്ടിങ്’ നല്ലതാ: റൈഫിൾ അസോസിയേഷന്‍ അംഗത്വമെടുത്ത് മമ്മൂട്ടി

ചേർത്തല ∙ സൂപ്പർ താരം മമ്മൂട്ടി ആലപ്പുഴ ജില്ലാ റൈഫിൾ അസോസിയേഷനിൽ അംഗത്വമെടുത്തു. ഇന്നു രാവിലെ ചേർത്തലയിലെ ഷൂട്ടിങ് റേഞ്ചിലെത്തിയാണു താരം അംഗമായത്. തിരക്കഥാകൃത്തും നടനുമായ രൺജി പണിക്കരും ഒപ്പമുണ്ടായിരുന്നു.

ഇടയ്ക്കിടെ ഈ ഷൂട്ടിങ് നല്ലതാ, വെടിവയ്ക്കുന്നത് അത്ര നല്ല കാര്യമല്ലെന്നും മമ്മൂട്ടി പ്രതികരിച്ചു. അറിഞ്ഞിരിക്കുന്നതു നല്ലതാണ്. എനിക്കു തോക്ക് ലൈസൻസില്ല. ആലപ്പഴയിൽ ഇത്ര കാര്യമായി റൈഫിൾ ക്ലബ് നടത്തുമ്പോൾ അതിൽ അംഗമാകുന്നതിൽ സന്തോഷം. സിനിമയിൽ വെടിവയ്പിനു പിന്തുണച്ച രൺജി പണിക്കരുടെ ചെറിയ സ്വാധീനവും ഇതിലുണ്ടെന്നും മമ്മൂട്ടി പറഞ്ഞു.

English Summary: Mammootty joined Alapuzha rifle association