കോവിഡിൽ കുതിപ്പ്, 9,066 പേർ പോസിറ്റീവ്; കേരളത്തിൽ ആകെ മരണം അരലക്ഷം കടന്നു

തിരുവനന്തപുരം ∙ ഒരിടവേളയ്ക്കു ശേഷം കേരളത്തില്‍ വീണ്ടും കോവിഡ് കേസുകളിൽ വർധന. കഴിഞ്ഞ 24 മണിക്കൂറിനിടെ 9,066 പേര്‍ക്ക് രോഗം സ്ഥിരീകരിച്ചു. കഴിഞ്ഞ 24 മണിക്കൂറിനിടെ 63,898 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 19 മരണങ്ങളാണു സ്ഥിരീകരിച്ചത്. അപ്പീല്‍ നല്‍കിയ 277 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 50,053 ആയി. ചികിത്സയിലായിരുന്ന 2064 പേര്‍ രോഗമുക്തി നേടി.

പോസിറ്റീവായവർ
തിരുവനന്തപുരം 2200
എറണാകുളം 1478
തൃശൂര്‍ 943
കോഴിക്കോട് 801
കോട്ടയം 587
കൊല്ലം 551
പാലക്കാട് 511
കണ്ണൂര്‍ 417
പത്തനംതിട്ട 410
ആലപ്പുഴ 347
മലപ്പുറം 309
ഇടുക്കി 239
വയനാട് 155
കാസർകോട് 118

നെഗറ്റീവായവർ
തിരുവനന്തപുരം 177
കൊല്ലം 98
പത്തനംതിട്ട 247
ആലപ്പുഴ 111
കോട്ടയം 37
ഇടുക്കി 82
എറണാകുളം 508
തൃശൂര്‍ 42
പാലക്കാട് 43
മലപ്പുറം 103
കോഴിക്കോട് 299
വയനാട് 114
കണ്ണൂര്‍ 158
കാസർകോട് 45

പ്രതിവാര ഇന്‍ഫെക്‌ഷന്‍ പോപ്പുലേഷന്‍ റേഷ്യോ പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്‍ഡുകളാണുള്ളത്. സംസ്ഥാനത്തെ വിവിധ ജില്ലകളിലായി 1,27,790 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 1,24,903 പേര്‍ വീട്/ഇന്‍സ്റ്റിറ്റ്യൂഷണല്‍ ക്വാറന്റീനിലും 2887 പേര്‍ ആശുപത്രികളിലും നിരീക്ഷണത്തിലാണ്. 298 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.

രോഗം സ്ഥിരീകരിച്ചവരില്‍ 127 പേര്‍ സംസ്ഥാനത്തിന് പുറത്തുനിന്നും വന്നവരാണ്. 8198 പേര്‍ക്ക് സമ്പര്‍ക്കത്തിലൂടെയാണ് ബാധിച്ചത്. 628 പേരുടെ സമ്പര്‍ക്ക ഉറവിടം വ്യക്തമല്ല. 113 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. ഇതോടെ 44,441 പേരാണ് രോഗം സ്ഥിരീകരിച്ച് ചികിത്സയിലുള്ളത്. 52,05,210 പേര്‍ ഇതുവരെ കോവിഡില്‍ നിന്നും മുക്തി നേടി. വാക്‌സിനേഷന്‍ എടുക്കേണ്ട ജനസംഖ്യയുടെ 99 ശതമാനം പേര്‍ക്ക് ഒരു ഡോസും (2,64,83,090), 82 ശതമാനം പേര്‍ക്ക് രണ്ട് ഡോസും (2,16,90,138) നല്‍കി.

English Summary: Kerala covid 19 updates, 11-01-2022