ആറു വർഷം, ആരംഭിച്ചത് 189 സംരംഭങ്ങൾ മാത്രം; ധനസഹായമായി നൽകിയത് 1908.49 കോടി

തിരുവനന്തപുരം ∙ സംസ്ഥാന സർക്കാരിന് 2016-17 മുതൽ 2021-2022 ഫെബ്രുവരി വരെ ആകർഷിക്കാൻ സാധിച്ചത് 189 സംരംഭങ്ങൾ മാത്രം. സംസ്ഥാന വ്യവസായ വികസന കോർപറേഷന്റെ (കെഎസ്ഐഡിസിയുടെ) സഹായത്തോടെ ആരംഭിച്ച സംരംഭങ്ങളുടെ കണക്കാണിത്. കൊച്ചി സ്വദേശി കെ.ഗോവിന്ദൻ നമ്പൂതിരിക്ക് കെഎസ്ഐഡിസി വിവരാവകാശ നിയമപ്രകാരം നൽകിയ മറുപടിയിലാണ് ഈ വിവരങ്ങൾ.

1908.49 കോടി രൂപ ഇത്രയും വർഷം ധനസഹായമായി നൽകിയതായും കണക്കുകൾ വ്യക്തമാക്കുന്നു. 2017-18 ൽ പ്രതീക്ഷിച്ചത് 2416 തൊഴിലവസരങ്ങൾ ആണെങ്കിൽ 2021-22ൽ അത് 1553 ആയി ചുരുങ്ങി. 2021–22 സാമ്പത്തിക വർഷത്തിൽ ഫെബ്രുവരി 5 വരെയുള്ള കണക്കുകളാണു വിവരാവകാശപ്രകാരം ലഭിച്ചത്. സംസ്ഥാനത്ത് ഒരു വർഷം കൊണ്ട് ഒരു ലക്ഷം സംരംഭങ്ങൾ എന്ന പദ്ധതിക്ക് ഈ വർഷം തുടക്കംക്കുറിച്ചിരുന്നു.

English Summary: Entrepreneurship in Kerala