മോദിയുടെ ജന്മദിനം: ചക്കുളത്തുകാവിൽ മഹാ ത്രിപുര സുന്ദരി പൂജ നടത്തി ആനന്ദബോസ്

തിരുവല്ല (പത്തനംതിട്ട)∙ പ്രധാനമന്ത്രി നരേന്ദ്ര മോദിയുടെ ജന്മദിനത്തിൽ ചക്കുളത്തുകാവ് ക്ഷേത്രത്തിൽ പ്രത്യേക മഹാത്രിപുര സുന്ദരി പൂജ നടത്തി ബംഗാൾ ഗവർണർ ഡോ. സി.വി.ആനന്ദ ബോസ്. ഭാര്യ ലക്ഷ്മി ബോസിനൊപ്പം ക്ഷേത്രത്തിലെത്തിയായിരുന്നു പ്രത്യേക പൂജ.

ശനിയാഴ്ച രാവിലെ എട്ടുമണിക്ക് ഗവർണറെ ക്ഷേത്ര മുഖ്യ കാര്യദർശിമാരായ രാധകൃഷ്ണൻ നമ്പൂതിരി, ഉണ്ണികൃഷ്ണൻ നമ്പൂതിരി, കാര്യദർശി മണിക്കുട്ടൻ നമ്പൂതിരി, മേൽശാന്തിമാരായ അശോകൻ നമ്പൂതിരി, രഞ്ജിത്ത് ബി.നമ്പൂതിരി, ദുർഗാദത്തൻ നമ്പൂതിരി, ജയസൂര്യ നമ്പൂതിരി, ബ്ലോക്ക് പഞ്ചായത്ത് അംഗം അജിത് പിഷാരത്ത് എന്നിവർ ചേർന്ന് സ്വീകരിച്ചു.

ഓണത്തിനു പ്രധാനമന്ത്രിക്ക് ഓണക്കോടിയും നാടൻ പലഹാരങ്ങളും ആനന്ദബോസ് സമ്മാനിച്ചിരുന്നു. മലയാളിയായ മുൻ ഐഎഎസ് ഉദ്യോഗസ്ഥൻ ആനന്ദബോസ് ബംഗാൾ ഗവ‍ര്‍ണര്‍ സ്ഥാനത്ത് എത്തിയത് 2022 നവംബറിലാണ്. ജഗ്ദീപ് ധന്‍കര്‍ ഉപരാഷ്ട്രപതിയായതിനെ തുടര്‍ന്നായിരുന്നു നിയമനം.

English Summary: West Bengal Governor performs special Mahatripura Sundari Puja for Prime Minister Modi at Chakkulathukav Temple