മുകേഷ് മോഹനന് ചൈന ജേണലിസം പുരസ്കാരം

ബെയ്ജിങ് ∙ തൃപ്പൂണിത്തുറ സ്വദേശി മുകേഷ് മോഹനന് മികച്ച ഇൻഫോഗ്രാഫിക്സിനുള്ള ഓൾ ചൈന ജേണലിസ്റ്റ്സ് അസോസിയേഷന്റെ ചൈന ജേണലിസം പുരസ്കാരം.

‘ചൈന ഡെയ്‌ലി’യിൽ ഗ്രാഫിക്സ് എഡിറ്ററായ മുകേഷ് തയാറാക്കിയ ഗ്രാഫിക്സാണു പുരസ്കാരത്തിന് അർഹമായത്. പുതിയ ബെയ്ജിങ്–ദാഷിങ് വിമാനത്താവളത്തിന്റെ പ്രവർത്തനം സുഗമമാക്കാൻ റോബോട്ടിക്സും നിർമിതബുദ്ധിയും സഹായകമാകുന്നു എന്നതായിരുന്നു വിഷയം. കഴിഞ്ഞവർഷവും മുകേഷിനായിരുന്നു പുരസ്കാരം. മലയാള മനോരമയുടെ ‘ദ് വീക്ക്’ വാരികയിൽ 10 വർഷം ആർട്ടിസ്റ്റായിരുന്നു  മുകേഷ് മോഹനൻ.