അബുദാബി ∙ യുഎഇ തലസ്ഥാനമായ അബുദാബിയെ ലക്ഷ്യമാക്കി യെമനിലെ ഹൂതി വിമതർ അയച്ച 2 ബാലിസ്റ്റിക് മിസൈലുകൾ പ്രതിരോധ സേന തകർത്തു. പുലർച്ചെ 4.15നുണ്ടായ ആക്രമണത്തിൽ ആളപായമില്ല. മിസൈലിന്റെ ഭാഗങ്ങൾ ചിന്നിച്ചിതറി വീണെങ്കിലും ആളപായമില്ല.

അതിനിടെ, സൗദിയിലെ ജിസാനിൽ ഹൂതികൾ നടത്തിയ മിസൈൽ ആക്രമണത്തിൽ 2 പേർക്ക് പരുക്കേറ്റു. സുഡാൻ, ബംഗ്ലദേശ് പൗരന്മാർക്കാണു പരുക്കേറ്റത്. ആക്രമണത്തിൽ വാഹനങ്ങൾക്കും വർക് ഷോപ്പുകൾക്കും കേടുപാടുണ്ട്. സൗദിയെ ലക്ഷ്യമാക്കി അയച്ച 2 ‍ഡ്രോണുകൾ നശിപ്പിച്ചതായും സൗദി സഖ്യസേന അറിയിച്ചു.

ഒരാഴ്ചയ്ക്കിടെ രണ്ടാമത്തെ ആക്രമണമാണ് അബുദാബിക്ക് നേരെയുണ്ടായത്. ഈ മാസം 17ന്  ഇന്ധന സംഭരണ കേന്ദ്രത്തിനും വിമാനത്താവളത്തിനും സമീപമുണ്ടായ സ്ഫോടനത്തിൽ 3 പേർ മരിക്കുകയും 6 പേർക്കു പരുക്കേൽക്കുകയും ചെയ്തിരുന്നു.

English Summary: Ministry of Defence announces interception of 2 ballistic missiles fired by terrorist Houthi militia targeting UAE