അസാധ്യ രുചിയിൽ മധുരമൂറും മാമ്പഴ പുളിശ്ശേരി ; ഇടങ്ങഴി ചോറ് ഉണ്ണുമെന്ന് ശ്രീകുമാർ
തൂശനിലയിൽ ചോറും മാമ്പഴപുളിശ്ശേരിയും ഞെരടിപിഴിഞ്ഞ് അതിലേക്ക് പച്ചമുളക് ചേർത്ത് ഒരു ഉരുള കഴിച്ചിട്ടുള്ളവർക്ക് ആ രുചി ഒരിക്കലും മറക്കാൻ പറ്റില്ല. നാടൻ വിഭവം ഒരുക്കിയിരിക്കുന്നത് ഗായകൻ എം ജി ശ്രീകുമാറിന്റെ ഭാര്യ ലേഖയാണ്.
ചേരുവകൾ
- മാമ്പഴം
- കറിവേപ്പില
- നാളികേരം
- തൈര്
- ഉപ്പ്
- മുളക്പൊടി
- മഞ്ഞൾപ്പൊടി
- കടുക്
- ജീരകം
- ഉണക്കമുളക്
- പച്ചമുളക്
- വെളുത്തുള്ളി
- വെളിച്ചെണ്ണ
തയാറാക്കുന്ന വിധം
- മാമ്പഴം അൽപം മുളകുപൊടിയും മഞ്ഞൾപ്പൊടിയും കറിവേപ്പിലയും ആവശ്യത്തിന് വെള്ളവും ചേർത്ത് ചട്ടിയിൽ അടച്ച് വച്ച് വേവിച്ച് എടുക്കാം.
- തേങ്ങാ, പച്ചമുളക്, ജീരകം, മുളകുപൊടി, മഞ്ഞൾപ്പൊടി, വെളുത്തുള്ളി എന്നിവ ഒരു മിക്സിയുടെ ജാറിൽ അരച്ച് എടുക്കാം.
- വെന്തു വന്ന മാമ്പഴത്തിലേക്ക് കുറച്ച് ശർക്കരപ്പാനി ചേർക്കാം. ഇതിലേക്ക് അരച്ച് വച്ചിരിക്കുന്ന തേങ്ങായും ചേർത്ത് വേവിച്ച് എടുക്കാം. ഇത് നല്ലത് പോലെ തണുത്ത ശേഷം തൈര് ചേർക്കാം. ഇതിലേക്ക് കടുകും മുളകും കറിവേപ്പിലയും എണ്ണയിൽ വറുത്ത് ചേർത്ത് ചോറിനൊപ്പം കഴിക്കാം.