ചെമ്മീൻ തേങ്ങാക്കൊത്തു ഡ്രൈ ഫ്രൈ

ഊണിനൊരുക്കാം രുചികരമായ ചെമ്മീൻ തേങ്ങാക്കൊത്തു ഫ്രൈ രുചിക്കൂട്ട്.

ചേരുവകൾ

• ചെമ്മീൻ / കൊഞ്ച് - 180 ഗ്രാം 
• വെളിച്ചെണ്ണ - 60 മില്ലിലിറ്റർ
• ഉള്ളി അരിഞ്ഞത് - 20 ഗ്രാം
• പച്ചമുളക് - 1 എണ്ണം
• കറിവേപ്പില - 6 എണ്ണം
• കനം കുറഞ്ഞ തേങ്ങ കഷ്ണങ്ങൾ – 4 എണ്ണം
• പുളി വെള്ളം/ നാരങ്ങാ നീര് – 10 മില്ലി
• മുളകുപൊടി – 12 ഗ്രാം
• മഞ്ഞൾപ്പൊടി – 3 ഗ്രാം
• ഇഞ്ചി – 5 ഗ്രാം
• വെളുത്തുള്ളി –  5 ഗ്രാം
• കടുക് – 2 ഗ്രാം
• കുരുമുളകുപൊടി – 3 ഗ്രാം
• തക്കാളി – 2 എണ്ണം
• ഉപ്പ് – പാകത്തിന് 

തയാറാക്കുന്ന വിധം

• ഒരു ഫ്രൈയിങ് പാനിൽ വെളിച്ചെണ്ണ ചൂടാക്കുക, കടുക് പൊട്ടിക്കുക. ഇഞ്ചി, വെളുത്തുള്ളി, പച്ചമുളക്, ഉപ്പ്, ഉള്ളി, തേങ്ങാ കഷ്ണങ്ങൾ എന്നിവ ചേർക്കുക. ബ്രൗൺ നിറമാകുന്നതുവരെ വഴറ്റുക.
• മഞ്ഞൾപ്പൊടി, മുളകുപൊടി, ചെമ്മീൻ എന്നിവ ചേർക്കുക.
• കുടംപുളയിട്ട വെള്ളം അല്ലെങ്കിൽ നാരങ്ങാനീരു ചേർത്തു വേവിച്ചെടുക്കാം.
• കുരുമുളകു പൊടിയും തക്കാളി കഷ്ണങ്ങളും കറിവേപ്പിലയും ചേർത്തു യോജിപ്പിച്ചു വാങ്ങാം.

English Summary : Delicious chemmen stir fry with coconut and spices from Kerala cuisine.