കുട്ടികൾ ഏറെ ഇഷ്ടപ്പെടുന്ന ചീസി ചിക്കൻ മക്രോണി

മക്രോണി രുചി ഇഷ്ടപ്പെടുന്ന കുട്ടികൾക്ക് രുചികരമായൊരു ചീസി ചിക്കൻ മക്രോണി തയാറാക്കിയാലോ?

• മക്രോണി - 250 ഗ്രാം
  
• ഉപ്പ് - ആവശ്യത്തിന് 
• വെള്ളം - ആവശ്യത്തിന്
• ബട്ടർ - 25ഗ്രാം   
  
• ഓൾ പർപ്പസ് ഫ്ലോർ - കാൽ കപ്പ് 
• ക്രീം  - 170 ഗ്രാം 
• പാൽ - ഒരു കപ്പ്   
• ബോൺലെസ് ചിക്കൻ - 400 ഗ്രാം  
• കാരറ്റ് ചെറുതായി അരിഞ്ഞത് - കാൽ കപ്പ് 
• കാബേജ് ചെറുതായി അരിഞ്ഞത് - കാൽ കപ്പ് 
• കാപ്സിക്കം അരിഞ്ഞത്  - കാൽ കപ്പ് 
• സവാള അരിഞ്ഞത്  - കാൽ കപ്പ് 
• ഉപ്പ് - ആവശ്യത്തിന് 
• ഒറിഗാനോ - അര ടീസ്പൂൺ 
• ചില്ലി ഫ്ളേയ്ക്സ് - രണ്ട് ടീസ്പൂൺ 
• വെള്ളം - ആവശ്യത്തിന്
• മൊസെറല്ല ചീസ് - ഒരു കപ്പ്   
• ബ്ലാക്ക് ഒലീവ്സ് -രണ്ട് ടീസ്പൂൺ 

തയാറാക്കുന്ന വിധം

∙ മക്രോണി ആവശ്യത്തിന് വെള്ളവും ഉപ്പും ചേർത്ത് വേവിച്ച് വെള്ളം ഊറ്റി കളയുക.

∙ ഒരു പാനിൽ 25 ഗ്രാം ബട്ടർ ഉരുക്കി അതിലേക്ക് ഓൾ പർപ്പസ് ഫ്ലോർ ചേർത്ത്  ഇളക്കുക. ഇതിലേക്ക്  പാൽ ചേർത്ത്  ഒന്നുകൂടി ഇളക്കുക.  ഇതിലേക്ക് ക്രീം ചേർക്കുക.  വേവിച്ചു വച്ചിരിക്കുന്ന മക്രോണി ചേർത്ത് നല്ലതുപോലെ യോജിപ്പിച്ച് സ്റ്റൗവിൽ നിന്നും മാറ്റി വയ്ക്കുക. 

∙ മറ്റൊരു പാനിൽ  ചെറിയ കഷണങ്ങളാക്കി മുറിച്ച ചിക്കനും ആവശ്യത്തിന് വെള്ളവും ഒറിഗാനോയും ചില്ലി ഫ്ളേയ്ക്ക്സും ഉപ്പും ചേർത്ത്  സോഫ്റ്റ് ആയി വേവിക്കുക.  വെന്താൽ ഇതിലേക്ക് അരിഞ്ഞുവച്ചിരിക്കുന്ന കാരറ്റും കാപ്സിക്കവും കാബേജും സവാളയും ചേർത്ത് ചെറുതീയിൽ വേവിച്ചെടുക്കുക.

∙ബൗളിൽ ചിക്കനും മക്രോണിയും ലയർ ചെയ്തിട്ട് മുകളിൽ  മൊസെറല്ല ചീസും ബ്ലാക്ക് ഒലിവ്സും വിതറുക.  പ്രീ ഹീറ്റ് ചെയ്ത അവ്നിൽ  180 ഡിഗ്രി 20 -25 മിനിറ്റ് ബേക്ക് ചെയ്തെടുക്കുക.