വിനാഗിരി ചേര്‍ക്കാതെ രുചിയൂറും വെളുത്തുള്ളി അച്ചാര്‍

രുചികരമായ വെളുത്തുള്ളി അച്ചാർ ഇങ്ങനെ തയാറാക്കി നോക്കൂ.

ചേരുവകൾ

• പുളി - നാരങ്ങ വലിപ്പം
• വെളുത്തുള്ളി - 200 ഗ്രാം
• മുളകുപൊടി - 2.5 സ്പൂൺ
• ഉലുവ - 1/2 ടീസ്പൂൺ
• ജീരകം - 1/2 ടീസ്പൂൺ
• മഞ്ഞൾപ്പൊടി -1/4 ടീസ്പൂൺn
• നല്ലെണ്ണ 
• ഉപ്പ്

തയാറാക്കുന്ന വിധം

• പുളി ഒരു പാത്രത്തിൽ ഇട്ടു 1/2 കപ്പ് വെള്ളം ചേർത്ത് തിളപ്പിക്കുക. ഇത് തണുപ്പിച്ച് ജ്യൂസ് മാത്രം വേർതിരിച്ചെടുക്കുക. 200 ഗ്രാം വെളുത്തുള്ളി വ‍‍ൃത്തിയാക്കി അതിന്റെ പകുതി (100 ഗ്രാം)
• ഒരു ബ്ലെൻഡറിൽ എടുക്കുക, മുളകുപൊടിയും തിളപ്പിച്ച് ആറിയ വെള്ളവും ചേർത്ത് അരച്ചെടുക്കുക.
• പുളി ജ്യൂസിൽ വെളുത്തുള്ളി പേസ്റ്റ് ചേർത്ത് നന്നായി ഇളക്കുക.
• ഉലുവയും ജീരകവും വറുത്ത് പൊടിക്കുക.
• ഒരു കടായിയിൽ നല്ലെണ്ണ  ചൂടാക്കി ബാക്കിയുള്ള 100 ഗ്രാം വെളുത്തുള്ളി നന്നായി വറുത്തെടുത്ത് മാറ്റിവയ്ക്കുക.

• അതേ എണ്ണയിൽ കടുക് പൊട്ടിക്കുക. അതിലേക്കു പുളി വെളുത്തുള്ളി പേസ്റ്റ് ചേർത്ത് നന്നായി വേവിക്കുക.
• ആവശ്യമായ ഉപ്പും 1/4 ടീസ്പൂൺ മഞ്ഞൾപ്പൊടിയും ചേർത്ത് നന്നായി ഇളക്കുക. ഇത് കുറച്ച് സമയം വേവിക്കുക. വെള്ളം വറ്റി കുറുക്കി വരണം .
• ഇതിലേക്ക് ഉലുവ – ജീരകപ്പൊടിയും വറുത്ത വെളുത്തുള്ളിയും ചേർത്ത് നന്നായി ഇളക്കുക. കട്ടിയാകുന്നതുവരെ നന്നായി വേവിക്കുക.