5 മിനിറ്റു കൊണ്ട് ചോറിന് സൂപ്പർ ഫ്രൈ റെഡി!
രണ്ട് ഉരുളക്കിഴങ്ങും 5 മിനിറ്റും മതി കിടിലൻ രുചിയിൽ ചോറിനുള്ള കറി റെഡിയാക്കാം.
ചേരുവകൾ
- ഉരുളക്കിഴങ്ങ് - 2
- മുളകുപൊടി - 3/4 സ്പൂൺ
- മഞ്ഞൾപ്പൊടി - ½ സ്പൂൺ
- ഉപ്പ് -½ സ്പൂൺ
- എണ്ണ -2 സ്പൂൺ
- കടുക് -½ സ്പൂൺ
തയാറാക്കുന്ന വിധം
ചെറിയ കഷ്ണങ്ങളായി മുറിച്ച ഉരുളക്കിഴങ്ങിൽ ¾ സ്പൂൺ മുളകുപൊടിയും 1/2 സ്പൂൺ മഞ്ഞൾപ്പൊടിയും ½ സ്പൂൺ ഉപ്പും ചേർത്ത് പുരട്ടി വയ്ക്കുക.ഒരു ചീന ചട്ടിയോ നോൺ സ്റ്റിക്ക് പാനോ എണ്ണ ഒഴിച് ചൂടാക്കി, കടുക് പൊട്ടിക്കുക, അതിൽ മസാല ചേർത്ത ഉരുളക്കിഴങ്ങ് ഇട്ടു കൊടുക്കുക, ചെറുതീയിൽ 5 മിനിറ്റ് അടച്ചു വെച്ച് വേവിക്കുക, ഇടയ്ക്ക് ഇളക്കി കൊടുക്കണം.
English Summary: Potato Fry