വേനൽച്ചൂടിൽ കുളിർമയുള്ള ഒരു സൂപ്പ്; അമിതവണ്ണവും കുറയും!
ഉള്ളം കുളിർപ്പിക്കാൻ മാത്രമല്ല ശരീരത്തിന്റെ അമിത വണ്ണം കുറയ്ക്കാനും സഹായിക്കുന്നൊരു സൂപ്പ് പരിചയപ്പെടാം.
ചേരുവകൾ
- കക്കിരിക്ക മുറിച്ചത് – 1
- അവക്കാഡോ – 1
- പുതിനയില – 8 ഇലകൾ
- ഒലീവ് ഓയിൽ – 1 ടീസ്പൂൺ
- തൈര് – 1/2 കപ്പ്
- പാൽ – 1/2 കപ്പ്
- തണുത്ത വെള്ളം – 1/2കപ്പ്
- ചെറുനാരങ്ങാനീര് – 1/2 മുറി
- വെളുത്തുള്ളി – 1 ചെറുത്
- കുരുമുളകുപൊടി – 1/4 ടീസ്പൂൺ
- ഉപ്പ് – ആവശ്യത്തിന്
തയാറാക്കുന്ന വിധം
കക്കരിക്ക കഴുകി വൃത്തിയാക്കി തോലോടുകൂടി മുറിച്ച് കഷണങ്ങൾ ആക്കുക. അവക്കാഡോ തോലുകളഞ്ഞ് മുറിച്ച് വയ്ക്കുക. ഇതോടൊപ്പം മറ്റ് എല്ലാ ചേരുവകളും ഒരു മിക്സിയിൽ നന്നായി അരച്ചെടുത്ത് ഒരു പാത്രത്തിലേക്ക് മാറ്റി വിളംമ്പാം.
English Summary: Cucumber Avocado Cold Soup, Weightloss Soup