ചക്കക്കുരു കൊണ്ട് നല്ലൊരു നാലുമണിപ്പലഹാരം

ചക്കക്കുരു ഇനിയും  ബാക്കിയുണ്ടോ... രസികൻ ചക്കക്കുരു ഉണ്ട തയാറാക്കാം. ഉഗ്രൻ നാലുമണിപലഹാരമാണിത്.

ചേരുവകൾ

• ചക്കക്കുരു – 40 എണ്ണം 
• അരി – അരകപ്പ് 
• ശർക്കര  – രണ്ട് കട്ട
• നാളികേരം – അര മുറി 

തയാറാക്കുന്ന വിധം 

ഒരു പാൻ ചൂടാക്കി അതിലേക്കു ചക്കക്കുരു ഇട്ട് വറുത്തെടുക്കുക (തൊണ്ടോടുകൂടിയ ചക്കക്കുരു). അതുപോലെ തന്നെ അരിയും വറുത്തെടുക്കുക .ചക്കക്കുരു ചൂടാറുമ്പോൾ അതിന്റെ തൊലി കളഞ്ഞു എടുക്കുക. എന്നിട്ടു മിക്സിയിൽ ഇട്ടു പൊടിച്ച് എടുക്കണം. അതുപോലെ തന്നെ വറുത്തെടുത്ത അരിയും ചൂടാറുമ്പോൾ പൊടിച്ച് എടുക്കണം. ശർക്കര ചിരകി എടുക്കണം .ഇനി ഒരു വലിയ ബൗളിലേക്കു നാളികേരം ചിരകിയതും ശർക്കരയും ചേർത്ത് നന്നായി മിക്സ് ചെയ്യുക. ഇതിലേക്ക് ചക്കക്കുരു പൊടിച്ചതും അരിപൊടിച്ചതും കുറേശേ കുറേശേ ചേർത്ത് യോജിപ്പിച്ച് ഉരുട്ടി എടുക്കുക. നമ്മുടെ ടേസ്റ്റി ചക്കക്കുരു ഉണ്ട റെഡി. 

English Summary: Jack fruit is one of the nutritious fruits available in Kerala.