ഓട്സ് ഇടിയപ്പം പ്രമേഹരോഗികൾക്കും കഴിക്കാം

പ്രമേഹരോഗികൾക്കും കൊളസ്ട്രോൾ  ഉള്ളവർക്കും കഴിക്കാൻ പറ്റിയ ഓട്സ് ഇടിയപ്പം 

ചേരുവകൾ

• ഓട്ട്സ് - 2 കപ്പ് 
• അരിപ്പൊടി -4 മുതൽ 6 ടേബിൾസ്പൂൺ വരെ ചേർക്കാം 
• വെള്ളം - അരക്കപ്പും 3 ടേബിൾസ്പൂണും (ഇളം ചൂട് വെള്ളം )
• ഉപ്പ് -1/2 ടീസ്പൂണും 2 നുള്ളും 
• നല്ലെണ്ണ - 2 ടേബിൾസ്പൂൺ 
• ചിരകിയ തേങ്ങാ - 3 ടേബിൾസ്പൂൺ 

തയാറാക്കേണ്ട വിധം 

• ഓട്സ് നന്നായി പൊടിച്ചെടുക്കുക, തരികൾ ഇല്ലാ എന്നുറപ്പു വരുത്തണം. 
• 4 തൊട്ടു 6 ടേബിൾസ്പൂൺ വരെ അരിപ്പൊടി ചേർത്ത് കൊടുക്കണം. 
• ആവശ്യത്തിന് ഉപ്പും നല്ലെണ്ണയും ഇളം ചൂടുവെള്ളത്തിൽ ചേർത്ത് ഓട്സ് കുഴച്ചെടുക്കണം. 
• കുഴച്ചെടുക്കുമ്പോൾ തിളച്ച വെള്ളമോ തണുത്ത വെള്ളമോ ഉപയോഗിക്കരുത്. ഇളം ചൂടുവെള്ളം ഉപയോഗിച്ച് വേണം കുഴയ്ക്കാൻ. വെള്ളം ഒരുമിച്ചൊഴിച്ചാൽ മാവ് ഒട്ടിപ്പിടിച്ചു കുഴഞ്ഞുപോകും 
• ആദ്യം മാവ് കുഴയ്ക്കുമ്പോൾ കൈയിൽ ഒട്ടിപ്പിടിയ്ക്കുന്നതായി തോന്നുമെങ്കിലും പിന്നെ നല്ല സോഫ്റ്റ് മാവായിട്ട് കിട്ടും. 
• കുഴച്ചമാവ് 2 മിനിറ്റു അടച്ചു മാറ്റിവയ്ക്കുക.
• ഒരുപാട് നേരം വെച്ചാൽ ഓട്ട്സ്‌ വെള്ളം വലിച്ചെടുത്ത് മാവ് കട്ടിയാകും.
• ശേഷം ആവികയറ്റാനുള്ള വെള്ളം ചൂടാക്കുക. 
• ഇഡ്ഡലി തട്ടിൽ കുറച്ച് എണ്ണ പുരട്ടി ഇടിയപ്പനാഴിയിൽ കുറേശ്ശേ മാവിട്ടു ഇടിയപ്പം പോലെ ചുറ്റിച്ച് എടുക്കുക. 
• ആവശ്യം ഉണ്ടേൽ തേങ്ങ ചിരകിയത് കൂടെ മുകളിൽ വിതറി ഇട്ടു കൊടുക്കുക. 
• 7 മിനിറ്റ് നല്ല ആവിയിൽ വേവിച്ചെടുക്കുക.