ഓട്സും ആപ്പിളും ചേർന്ന മൊരിഞ്ഞ ക്രബിൾ മധുരം

ക്രിസ്മസ്, പുതുവർഷ ആഘോഷങ്ങളിതാ തുടങ്ങുകയായി. ആപ്പിളിൽ മൊരിഞ്ഞ ഒരു ക്രഞ്ചി മധുരമാവട്ടെ  ഇത്തവണ. രണ്ട് ആപ്പിൾ ഉപയോഗിച്ച് ഈ മധുരം തയാറാക്കാം.  മൊരിഞ്ഞതും സ്വദിഷ്ടവുമായ ആപ്പിൾ ക്രബിൾ. കുട്ടികൾക്കും മുതിർന്നവർക്കും ഈ സൂപ്പർ കോമ്പിനേഷൻ ഇഷ്ടമാവാതിരിക്കില്ല.

ചേരുവകൾ :

• മൈദ - 1/2 കപ്പ്
• പഞ്ചസാര (വലിയ തരികളുള്ളത് )- 2 ടേബിൾ സ്പൂൺ
• ബ്രൗൺ ഷുഗർ - 1/2 കപ്പ്
• വെണ്ണ - 75 ഗ്രാം
• ഉപ്പ് - ഒരു നുള്ള്
• ഓട്സ് - 1/2 കപ്പ്

ഈ ചെരുവകളെല്ലാം കൈ കൊണ്ട് നന്നായി കുഴച്ചു മാറ്റിവയ്ക്കുക.

ആപ്പിൾ – 2

തയാറാക്കുന്ന വിധം

• ആപ്പിൾ തൊലി കളഞ്ഞ് ചെറിയ കഷ്ണങ്ങളാക്കി  അതിലേക്ക് നാരങ്ങാ നീരും (1 ടേബിൾ സ്പൂൺ ) ഏലക്കയ പൊടിച്ചതും (1/4 ടീ സ്പൂൺ ) ബ്രൗൺ ഷുഗറും (1/2 കപ്പ് )ചേർത്ത് നന്നായി ഇളക്കുക.
• ഇത് ബേക്കിങ് ട്രേയിലേക്ക്  മാറ്റി അതിന്  മുകളിൽ കുഴച്ചു വെച്ച ഓട്സ് മിശ്രിതം കൂടി ചേർക്കുക. 180 ഡിഗ്രി ചൂടിൽ 45 മിനിറ്റ്  ബേക്ക് ചെയ്യുക.. മുറിച്ചു  പ്ളേറ്റുകളിലേക്ക് മാറ്റി ഐസ്ക്രീം ചേർത്തു വിളമ്പാം.

English Summary : Apple Crumble Dessert Recipe