10 മിനിറ്റ് കൊണ്ട് ടേസ്റ്റി റവ പലഹാരം

ഒരു കപ്പ്‌ റവയുണ്ടോ,10 മിനിറ്റിനുള്ളിൽ രുചിയുള്ള പലഹാരം തയാറാക്കാം.

ചേരുവകൾ

• റവ - 1 കപ്പ് ‌ 
• സവാള  ചെറുതായി അരിഞ്ഞത് -  പകുതി 
• തക്കാളി  ചെറുതായി അരിഞ്ഞത് - 1 ‌ 
• കാരറ്റ് - ചെറുതായി അരിഞ്ഞത് - പകുതി 
• പച്ചമുളക് – 1 എണ്ണം 
• ചൂടുള്ള വെള്ളം - മാവ്  തയാറാക്കാൻ  
• ഉപ്പ് -  ആവശ്യത്തിന് 
• ഓയിൽ -  ആവശ്യത്തിന് 

സോസ് തയാറാക്കാൻ 

• തക്കാളി - 2 എണ്ണം 
• വെളുത്തുള്ളി - രണ്ട്  അല്ലി 
• ഇഞ്ചി - ചെറിയ കഷ്ണം 
• കുരുമുളക് പൊടി - 1/4 ടീസ്പൂൺ 
• ഓയിൽ -1 ടേബിൾസ്പൂൺ 
• കടുക്  - 1 ടീസ്പൂൺ 
• കായം - 1/4 ടീസ്പൂൺ 
• കരുമുളക് പൊടി - 1/2 ടീസ്പൂൺ 
• ഉപ്പ്
• ടൊമാറ്റോ സോസ്

തയാറാക്കുന്നവിധം 

• ഒരു പാത്രത്തിൽ റവ, പച്ചക്കറി, ഉപ്പ് ചേർത്ത് യോജിപ്പിക്കാം, ശേഷം ഇതിൽ നല്ല ചൂടുള്ള വെള്ളം ചേർത്ത് മാവ് തയാറാക്കാം. ഈ മാവ് ഉണ്ണിയപ്പത്തിന്റെ ചട്ടിയിൽ വറുത്തെടുക്കാം.സോസിന് വേണ്ടി തക്കാളി, വെളുത്തുള്ളി, ഇഞ്ചി ഇവ അരച്ച് മാറ്റി വയ്ക്കാം. 
• ഒരു ഫ്രൈയിങ് പാനിൽ ഓയിൽ ചൂടാക്കി കടുക്‌ പൊട്ടിച്ചതിന് ശേഷം അരപ്പും പിന്നെ മസാലകളും ഉപ്പും ചേർത്ത് കൊടുക്കാം വറുത്ത് വച്ച എല്ലാ പലഹാരവും ഇതിൽ ചേർത്ത് യോജിപ്പിച്ച് വിളമ്പാം.

English Summary : Rava Snack Recipe