ഉരുളക്കിഴങ്ങ് ചാട്ട്, കടയിൽ കിട്ടുന്ന അതേ രുചിയിൽ

കടയിൽ കിട്ടുന്ന ഉരുളക്കിഴങ്ങ് ചാട്ട് മസാല അതേ രുചിയോടെ വീട്ടിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ

• ഉരുളക്കിഴങ്ങ് – 4
• സവാള – 1
• ഗ്രീൻചട്ണി – 2 ടേബിൾ സ്പൂൺ
• മധുരചട്നി – 2 ടേബിൾ സ്പൂൺ
• നാരങ്ങാനീര് – പകുതി നാരങ്ങയുടെ
• ചാട്ട് മസാല –  2 ടീസ്പൂൺ

ചാട്ട് മസാലയ്ക്കു വേണ്ട സാധനങ്ങൾ

• കുരുമുളക് – 1 1/2 ടീസ്പൂൺ
• ജീരകം – 3 ടീസ്പൂൺ
• പെരുംജീരകം – 2 ടീസ്പൂൺ
• അയമോദകം – 1/2 ടീസ്പൂൺ
• മല്ലി – 1 ടീസ്പൂൺ
• ഉപ്പ്
• പഞ്ചസാര – 1 ടീസ്പൂൺ
• മാങ്ങ ഉണക്കി പൊടിച്ചത് – 1 1/2 ടീസ്പൂൺ
• മുളകുപൊടി – 1 ടീസ്പൂൺ

എല്ലാം നന്നായി വറത്തു പൊടിച്ചെടുക്കുക.

ഗ്രീൻ ചട്ണി തയാറാക്കുന്ന വിധം

• പുതിനയില
• മല്ലിയില
• പച്ചമുളക് – 4
• ഇഞ്ചി – ഒരു ചെറിയ കഷ്ണം
• നാരങ്ങാ നീര് – പകുതി നാരങ്ങയുടെ
• ഉപ്പ്‌ – ആവശ്യത്തിന്

എല്ലാം ചേർത്ത് ആവശ്യത്തിന് വെള്ളം ഒഴിച്ച് നന്നായി അരച്ചെടുത്താൽ ഗ്രീൻ ചട്നി തയാർ.

ഉരുളക്കിഴങ്ങു ചാട്ട് മസാല തയാറാക്കുന്ന വിധം

• ഉരുളക്കിഴങ്ങ് വേവിച്ച് തൊലി കളഞ്ഞ് കഷ്ണങ്ങളാക്കിയതിനു ശേഷം നന്നായി വറുത്തെടുക്കുക.
• ഒരു പാത്രത്തിൽ വറുത്ത ഉരുളക്കിഴങ്ങ് ഇട്ടതിനു ശേഷം ബാക്കി  എല്ലാ ചേരുവകളും ചേർത്ത് യോജിപ്പിക്കുക.
• ഉരുളക്കിഴങ്ങ് ചാട്ട്  തയാർ.

English Summary : Aloo Chaat is a popular Indian street food Snack.