അരിപ്പായസം, എത്ര കുടിച്ചാലും മതി വരില്ല; അത്രയ്ക്കും സ്വാദാണ്

ഈ ഓണത്തിന് സ്വാദിഷ്ടമായ അരിപ്പായസം തയാറാക്കാം, എത്ര കുടിച്ചാലും മതി വരില്ല അത്രയ്ക്കും സ്വാദാണ്.

ചേരുവകൾ

• ഉണക്കലരി - 1/2 കപ്പ്
• ഒന്നാം പാൽ - 1 കപ്പ്
• രണ്ടാം പാൽ - 1 കപ്പ്
• മൂന്നാം പാൽ - 2 കപ്പ്
• ശർക്കര - 1 കപ്പ് ചീകിയത്
• വെള്ളം - 1/2 കപ്പ്
• ചുക്ക് പൊടി - 1/2 ടീസ്പൂൺ
• ഏലക്കപ്പൊടി - 1/2 ടീസ്പൂൺ
• നെയ്യ് - 2 ടേബിൾസ്പൂൺ
• അണ്ടിപ്പരിപ്പ് - 2 ടേബിൾസ്പൂൺ
• ഉണക്കമുന്തിരി - 2 ടേബിൾസ്പൂൺ
• തേങ്ങാക്കൊത്ത് - 2 ടേബിൾസ്പൂൺ

തയാറാക്കുന്ന വിധം

• ഒരു പാൻ വച്ച് ശർക്കരയും വെളളവും ചേർത്ത് യോജിപ്പിച്ച് നന്നായി തിളപ്പിച്ച് മാറ്റി വയ്ക്കുക.
• അരി നന്നായി കഴുകി ചുവട് കട്ടിയുള്ള പാത്രത്തിലേക്ക്‌ ഇടുക. ശേഷം മൂന്നാം പാൽ ഒഴിച്ച് അടച്ച് വച്ച് നന്നായി വേവിച്ച് എടുക്കുക. 
• ശേഷം രണ്ടാം പാലും ശർക്കര ഉരുക്കിയതും ചേർത്ത് നന്നായി ഇളക്കി നന്നായി കുറുകുന്നത് വരെ തിളപ്പിക്കുക.
• നന്നായി കുറുകി വരുമ്പോൾ തീ കുറച്ച് വച്ച് ഒന്നാം പാലും ചുക്കുപൊടിയും  ഏലക്കപ്പൊടിയും ചേർത്ത് ഇളക്കി തീ ഓഫ് ചെയ്യുക .
• ഒന്നാം പാൽ ചേർത്തതിന് ശേഷം തിളപ്പിക്കാൻ പാടില്ല ഇപ്പോൾ സ്വാദിഷ്ടമായ അരി പായസം റെഡി ആയി.

English Summary : Rice payasam kerala style, Onam Special.