തട്ടുകട സ്റ്റൈൽ കോഴി പൊരിച്ചത് എളുപ്പത്തിൽ; ചോറിനും ചപ്പാത്തിക്കും സൂപ്പർ

അസാധ്യ രുചിയിൽ തട്ടുകട സ്റ്റൈൽ കോഴി പൊരിച്ചത് തയാറാക്കാം. ചോറിനും ചപ്പാത്തിക്കും സൂപ്പർ കോമ്പിനേഷൻ. 

ചേരുവകൾ 

• ചിക്കൻ -1 കിലോഗ്രാം
• മഞ്ഞൾപ്പൊടി -1/4 ടേബിൾ സ്പൂൺ. 
• കാശ്മീരി മുളകുപൊടി -1 ടേബിൾ സ്പൂൺ 
• കോൺഫ്ലവർ -1 1/2 ടേബിൾ സ്പൂൺ 
• ഉപ്പ് 
• വിനാഗിരി 
• മൈദ -1 1/2 ടേബിൾ സ്പൂൺ 
• അരിപ്പൊടി -1 ടേബിൾ സ്പൂൺ 
•  വെളിച്ചെണ്ണ 
• ഉണക്ക മുളക് പൊടിച്ചത് -1 ടീസ്പൂൺ
• കുരുമുളക് പൊടി -1/2 ടീസ്പൂൺ
• ഗരം മസാലപ്പൊടി -3/4 ടേബിൾ സ്പൂൺ
• കോഴിമുട്ട -1 
• ഇഞ്ചി, വെളുത്തുള്ളി - 2 ടേബിൾ സ്പൂൺ 
• മല്ലിപ്പൊടി -  2 ടേബിൾ സ്പൂൺ
• പച്ചമുളക്   കീറിയത് - 6-7 

തയാറാക്കേണ്ട രീതി 

• ചിക്കൻ മീഡിയം വലുപ്പത്തിൽ കഷ്ണങ്ങളാക്കുക. മഞ്ഞൾപ്പൊടി, കാശ്മീരി മുളകുപൊടി, ഗരം മസാല പൊടി (1/4 ടീസ്പൂൺ )ഉപ്പ്, വിനാഗിരി എന്നിവ ചേർത്ത് നന്നായി ഇളക്കി മിക്സ്‌ ചെയ്ത് മസാല പിടിക്കാൻ വയ്ക്കാം. ശേഷം ചിക്കൻ വേവിച്ചെടുക്കാം.

• മസാലക്കൂട്ട് തയാറാക്കാൻ ഒരു ബൗളിലേക്ക് ഇഞ്ചി-വെളുത്തുള്ളി  അരച്ചത്, കോൺഫ്ലവർ, മൈദ, വിനാഗിരി, കുരുമുളക് പൊടി, ഗരം മസാലപ്പൊടി, മല്ലിപ്പൊടി, ഉപ്പ്, കോഴിമുട്ട അൽപം വെള്ളം എന്നിവ ചേർത്ത് കുഴമ്പ് രൂപത്തിലാക്കുക.  വേവിച്ച ചിക്കന്റെ  മസാല ബാക്കി ഉണ്ടെങ്കിൽ അതും കൂടി ചേർക്കാം.

• ശേഷം വേവിച്ച ചിക്കൻ ഇതിലേക്കിട്ട് ഇളക്കുക. നടുവേ  കീറിയ പച്ചമുളകും കറിവേപ്പിലയും കൂടി ചേർക്കുക. 15 മിനിറ്റിന് ശേഷം എണ്ണയിലിട്ട് വറുത്ത് കോരാം കിടിലൻ ചിക്കൻ ഫ്രൈ റെഡി.

English Summary : Chicken Fry Recipe.