റവ പലഹാരം പത്ത് മിനിറ്റുകൊണ്ട് ഇഡ്ഡലിത്തട്ടിൽ വേവിച്ച് എടുക്കാം

പത്ത് മിനിറ്റിൽ ആരേയും കൊതിപ്പിക്കും രുചിയിൽ  ആവിയിൽ വേവിച്ച നാലുമണി പലഹാരം.  

ചേരുവകൾ

• റവ  - ഒരു കപ്പ് 
• പഞ്ചസാര - അര കപ്പ് 
• നെയ്യ്‌ -  2 ടേബിൾസ്പൂൺ 
• അണ്ടിപ്പരിപ്പ് - 7-8 
• ഉണക്ക മുന്തിരി - 2 ടേബിൾസ്പൂൺ
• മുട്ട - 3 എണ്ണം 
• ഏലക്ക - 3 എണ്ണം 
• ബേക്കിങ് പൗഡർ  - 1/2 ടീസ്പൂൺ 

തയാറാക്കുന്ന വിധം 

• മിക്സിയുടെ ചെറിയ  ജാറിൽ റവയും പഞ്ചസാരയും  നന്നായി പൊടിച്ചെടുക്കുക. 

• ഒരു ഫ്രൈയിങ് പാനിൽ ഒരു ടേബിൾസ്പൂൺ നെയ്യ് ഒഴിച്ച് അണ്ടിപ്പരിപ്പും ഉണക്കമുന്തിരിയും വറത്തു കോരുക. 

• മിക്സിയുടെ വലിയ ജാറിലേക്കു 3 മുട്ടയും ഏലക്കായും ഒന്നര ടേബിൾസ്പൂൺ നെയ്യും നേരത്തെ പൊടിച്ചു  വച്ച റവയും പഞ്ചസാരയും ചേർത്തു നന്നായി അരച്ചെടുക്കുക.  

• ശേഷം ബേക്കിങ്  പൗഡർ ചേർത്തു നന്നായി യോജിപ്പിക്കുക. 

• ഒരു ഇഡ്ഡലിപ്പാത്രം  അടുപ്പിൽ വച്ച് ആവി വരുമ്പോൾ ഇഡ്ഡലിത്തട്ടിൽ നെയ്മയം പുരട്ടിയതിനു ശേഷം മാവ്  കുറേശ്ശെ ഒഴിച്ച്  അണ്ടിപ്പരിപ്പും  ഉണക്ക മുന്തിരിയും വച്ച് അലങ്കരിക്കുക. 

• ഇത് മീഡിയം  ഫ്ലെയ്മിൽ 10 മിനിറ്റ് വേവിക്കുക.

English Summary : This recipe of tasty rava cake is simple and can be easily prepared.