ഊണിനു കൂട്ടാൻ മുളകിട്ട മീൻ കറി, ഉഗ്രൻ സ്വാദ്

എളുപ്പത്തിൽ തയാറാക്കാം ഉഗ്രൻ മീൻ കറി, ചോറിനും കപ്പയ്ക്കും ചപ്പാത്തിക്കും കൂട്ടാൻ ഈയൊരു കറി മതി.

ചേരുവകൾ

• മീൻ( ചൂര )   - അരക്കിലോ
• ഉലുവ -  കാൽ ടീസ്പൂൺ
• ചെറിയ ഉള്ളി - 15 എണ്ണം
• ഇഞ്ചി  - ഒരു കഷ്ണം
• പച്ചമുളക് - 3 എണ്ണം
• കറിവേപ്പില  -  ആവശ്യത്തിന്
• മഞ്ഞൾപ്പൊടി  -  അര ടീസ്പൂൺ
• മുളകുപൊടി  -ഒന്നര ടീസ്പൂൺ
• കാശ്മിരി മുളകുപൊടി-  4 ടീസ്പൂൺ
• ഉപ്പ് -  പാകത്തിന്
• കുടം പുളി  - ആവശ്യത്തിന് ( 4 കഷ്ണം )
• വെളിച്ചെണ്ണ -  ആവശ്യത്തിന്

തയാറാക്കുന്ന വിധം

• മീൻ നന്നായി വൃത്തിയാക്കിയ ശേഷം മുറിച്ചുവയ്ക്കുക. 
• ചട്ടിയിൽ എണ്ണയൊഴിച്ചു ചൂടാകുമ്പോൾ ഉലുവ പൊട്ടിക്കുക. 
• ചെറിയ ഉള്ളി, ഇഞ്ചി, പച്ചമുളക്, കറിവേപ്പില എന്നിവ ചേർത്ത് വഴറ്റുക. ഇതിലേക്ക് മഞ്ഞൾപ്പൊടി, മുളകുപൊടി, കാശ്മീരി മുളകുപൊടി എന്നിവ ചേർത്ത് പച്ചമണം മാറുന്നതു വരെ വഴറ്റുക. 
• ആവശ്യത്തിന് വെള്ളവും പാകത്തിന് ഉപ്പും പുളിയും ചേർക്കുക. 
• വെള്ളം തിളച്ച ശേഷം മീൻ ഇടുക. 
• പാകമാകുമ്പോൾ പച്ചവെളിച്ചെണ്ണ ചേർക്കുക, മുളകിട്ട മീൻ കറി തയാർ. 

English Summary : Spicy Red Fish Curry.