പുട്ട് ഐസ്ക്രീം വീട്ടിൽ ഉണ്ടാക്കിയാലോ ?

വളരെ എളുപ്പത്തിൽ വീട്ടിലൊരുക്കാം രുചികരമായ ഐസ്ക്രീം രുചി.

ചേരുവകൾ

• വാനില ഐസ്ക്രീം - 2 സ്‌കൂപ്പ്
• ചോക്ലേറ്റ് ഐസ്ക്രീം - 2 സ്‌കൂപ്പ്
• ബട്ടർസ്‌കോച് ഐസ്ക്രീം - 2 സ്‌കൂപ്പ്
• പിസ്ത ഐസ്ക്രീം - 2 സ്‌കൂപ്പ്
• സ്ട്രോബെറി ഐസ്ക്രീം - 2 സ്‌കൂപ്പ്
• കോൺഫ്ലക്സ്

കശുവണ്ടി, ബദാം, ചെറി, പിസ്‌ത, ട്യുട്ടി ഫ്രൂട്ടി, കറുത്ത ഉണക്ക മുന്തിരി – ചെറുതായി അരിഞ്ഞത്

തയാറാക്കുന്ന വിധം

• പുട്ടുകുറ്റിയും ചില്ലും അര മണിക്കൂർ ഫ്രീസറിൽ വച്ച് തണുപ്പിക്കുക. ഒരു ബൗളിലേക്കു കോൺഫ്ലക്സ്, ചെറുതായി മുറിച്ചെടുത്ത കശുവണ്ടി, ബദാം, ചെറി,പിസ്‌ത, ട്യുട്ടി ഫ്രൂട്ടി, കറുത്ത ഉണക്ക മുന്തിരി എന്നിവ ചേർത്തു യോജിപ്പിച്ചു വയ്ക്കുക.
• ശേഷം പുട്ടുകുറ്റിയിലെ ചില്ല് അലൂമിനിയം ഫോയിൽ കൊണ്ട് പൊതിഞ്ഞു പുട്ടുകുറ്റിയിൽ ഇടുക.
• ഇനി പുട്ടുകുറ്റിയിൽ ആദ്യം കോൺഫ്ലക്സ് മിക്സ് ഇടാം. ശേഷം സ്ട്രോബെറി ഐസ് ക്രീം, മുകളിലായി വീണ്ടും കോൺഫ്ലേക്സ് മിക്സ് ഇടാം.
• ശേഷം പിസ്ത ഐസ് ക്രീം ഇട്ടു നിരത്തി കൊടുക്കണം വീണ്ടും കോൺഫ്ലേക്സ് മിക്സ് കുറച്ചിടുക.
• ഇനി ചോക്ലേറ്റ് ഐസ് ക്രീം ഇട്ടുകൊടുത്തു നിരത്തുക. വീണ്ടും  കോൺഫ്ലേക്സ് മിക്സ്, ശേഷം ബട്ടർസ്‌കോച് ഐസ് ക്രീം ഇട്ടശേഷം ഒന്ന് നിരത്തുക.
• ഇതിലേക്കു കോൺഫ്ളക്സ് മിക്സ് ഇടുക. ശേഷം വാനില ഐസ്ക്രീം ഇടുക. ഐസ് ക്രീം നിരത്തിയ ശേഷം കോൺഫ്ലക്സ് മിക്സ് ഇടുക.
• ഇനി പുട്ടുകുറ്റി അടച്ചു 5 മണിക്കൂർ ഫ്രീസറിൽ വയ്ക്കുക. 5 മണിക്കൂറിനു ശേഷം ഒരു പരന്ന പാത്രത്തിൽ ബാക്കിയുള്ള കോൺഫ്ലക്സ് മിക്സ് ഇടുക. ഇതിനു മുകളിലേക്കു ഫ്രീസറിൽ നിന്നും എടുത്ത പുട്ടുകുറ്റിയിൽ നിന്നും പുട്ട് ഐസ് ക്രീം ഇട്ടു കൊടുക്കാം.
• ടേസ്റ്റി പുട്ട് ഐസ് ക്രീം റെഡി.

English Summary : Home made Puttu Ice Cream.