പ്രമേഹരോഗിക്കു നൽകാവുന്ന പച്ചക്കറി ചപ്പാത്തി
നാം കഴിക്കുന്ന ഭക്ഷണത്തിനു രക്തത്തിലെ പഞ്ചസാരയുടെ അളവു വേഗം കൂട്ടുവാനുള്ള കഴിവുണ്ട്. പഞ്ചസാര, മൈദാ കൊണ്ടുള്ള വിഭവങ്ങൾ എന്നിവ കഴിച്ചാലുടൻ രക്തത്തിലെ പഞ്ചസാരയുടെ അളവു കൂടുന്നു. പ്രമേഹരോഗികൾക്കു കഴിക്കാവുന്നൊരു ആരോഗ്യ പാചകവിധി പരിചയപ്പെടാം.
ചേരുവകൾ
- ഗോതമ്പു മാവ് – അര കപ്പ്
- കാരറ്റ് – ഒരു ടേബിൾ സ്പൂൺ
- കോളിഫ്ളവർ – ചുരണ്ടിയത് ഒരു ടേബിൾ സ്പൂൺ
- ബീൻസ് – അര ടേബിൾ സ്പൂൺ
- കാബേജ് – അര ടേബിൾ സ്പൂൺ
- സവാള – അര ടേബിൾ സ്പൂൺ
- പച്ചമുളക് – ഒരെണ്ണം
- ഉപ്പ് – ആവശ്യത്തിന്
- വെള്ളം – ആവശ്യത്തിന്
തയാറാക്കുന്ന വിധം
പച്ചക്കറികളെല്ലാം ചെറുതായി അരിഞ്ഞ് ഉപ്പുചേർത്തു വേവിച്ചു കുഴിയുള്ള സ്പൂണ് കൊണ്ട് ഉടച്ചെടുക്കുക. മാവിൽ ഉപ്പും വെള്ളവും ഈ പച്ചക്കറി കൂട്ടും ചേർത്തു നല്ലവണ്ണം
കുഴയ്ക്കുക. ചെറിയ ഉരുളകളാക്കി ചപ്പാത്തിയുണ്ടാക്കുക.
ഇതിലടങ്ങിയിരിക്കുന്ന പോഷകങ്ങൾ
- ഊർജം – 324 കി. കലോറി
- പ്രോട്ടീൻ – 10.2 ഗ്രാം
- കൊഴുപ്പ് – 0.3 ഗ്രാം