എളുപ്പത്തിൽ അകത്താക്കാവുന്ന ഇഞ്ചി ജ്യൂസ്
ഇഞ്ചി നീരിന്റെ ഗുണങ്ങൾ പണ്ടുകാലം തൊട്ട് നമ്മൾ കേൾക്കാൻ തുടങ്ങിയതാണ്. പക്ഷേ, എരിവ് കാരണം ഇഞ്ചി നീര് കുടിക്കുന്നവർ കുറയും. എളുപ്പത്തിൽ അകത്താക്കാവുന്ന രീതിയില്‍ തയാറാക്കിയാൽ ഇഞ്ചിയുടെ ഗുണങ്ങൾ നഷ്ടപ്പെടാതെ ഉപയോഗിക്കാം.
ആവശ്യമുള്ള സാധനങ്ങള്‍
- ഇഞ്ചി – 200 ഗ്രാം
- പഞ്ചസാര – 150 ഗ്രാം
- ഏലക്കായ –2 എണ്ണം
- പുതിന– 5 ഇല
- ചെറുനാരങ്ങ നീര്– 1 ടി സ്പൂൺ
ഇഞ്ചി, ചെറുനാരങ്ങ നീര്, പുതിന, ഏലക്കായ, എന്നിവ അല്പം വെള്ളം മിക്സിയിൽ ചേർത്ത് അടിച്ചെടുക്കുക. അരിച്ചെടുത്ത ജ്യൂസിലേക്ക് തണുത്ത വെള്ളം ഒഴിച്ച് നേർപ്പിക്കുക. ആവശ്യത്തിന് പഞ്ചസാര ചേർത്ത് ഉപയോഗിക്കാം.