കറുമുറെ കൊറിക്കാൻ പരിപ്പുവട രുചി ഇഷ്ടമില്ലാത്തവർ ഇല്ല, മലബാർ ശൈലിയിൽ പച്ചപ്പരിപ്പുവട ഉണ്ടാക്കി കഴിച്ചിട്ടുണ്ടോ? ഇല്ലെങ്കിൽ ഇതാ പാചകരഹസ്യം. ഒന്നു പരീക്ഷിക്കൂ.

ചേരുവകൾ:

  • കുതിർത്ത രണ്ട് കപ്പ് ഗ്രീൻ പീസ്
  • വലിയ ഉള്ളി 1
  • പച്ചമുളക് 2 ‍
  • വെള്ളുത്തുള്ളി, ഇഞ്ചി (ചതച്ചത് പാകത്തിന്)
  • മല്ലിച്ചെപ്പ്, പൊതീന.
  • അര ടീസ്പൂൺ മഞ്ഞൾപ്പൊടി, ഗരം മസാല മുക്കാൽ ടീസ്പൂൺ

പാകംചെയ്യുന്ന വിധം

കുതിർത്ത ഗ്രീൻ പീസ് മിക്സിയിലിട്ടു പകുതി അരച്ചെടുക്കുക. അതിലേക്ക് വെളുത്തുള്ളി വലിയഉള്ളി, ഇഞ്ചി എന്നിവ ചേർത്ത് വീണ്ടും നല്ലവണ്ണം അരയ്ക്കുക. അരയ്ച്ചെടുത്ത ഗ്രീൻപീസിലേക്ക് പാകത്തിന് ഉപ്പും മഞ്ഞൾപൊടി, ഗരം മസാല, മല്ലിച്ചെപ്പ്, പൊതീന എന്നിവ ചേർത്ത് കൈ കൊണ്ട് കുഴക്കുക.കൈപ്പത്തിയിൽ വച്ചു പരത്തി വെളിച്ചെണ്ണയിൽ പൊരിച്ചെടുക്കുക.

തയാറാക്കിയത്: കെ. മാരിയത്ത് കണ്ണംകുളങ്ങര