രുചികരമായ കൂർക്ക ഉള്ളി പക്കോടാ
കൂർക്ക കൊണ്ട് രുചികരമായ പക്കോട എങ്ങനെ തയാറാക്കാമെന്നു നോക്കാം.
- കൂർക്ക നന്നായി കഴുകി തൊലി കളഞ്ഞു ഉപ്പും മഞ്ഞ പൊടിയും ചേർത്ത് വേവിച്ച‌് എടുത്തത് - 1കപ്പ്
- ചെറിയ ഉള്ളി അരിഞ്ഞത് -1/2കപ്പ്
- കടല മാവ് - 1/2കപ്പ്
- അരിപ്പൊടി - 3/4കപ്പ്
- മുളക് പൊടി -2 ടീസ്പൂൺ
- മഞ്ഞൾപ്പൊടി - 1/2 ടീസ്പൂൺ
- പച്ച മുളക് - 2 എണ്ണം
- ഇഞ്ചി ചതച്ചത് - 1 ടീസ്പൂൺ
- കറി വേപ്പില - കുറച്ച്
- ഉപ്പ്, വെള്ളം - ആവശ്യത്തിന്
- എണ്ണ - ആവശ്യത്തിന്
തയാറാക്കുന്ന വിധം
ഒരു പരന്ന പാത്രത്തിൽ വേവിച്ച കൂർക്ക ഇട്ട് കൈകൊണ്ടു നന്നായി അമർത്തി പൊടിച്ചു എടുക്കുക. അതിൽ 2 മുതൽ 10 വരെ ചേരുവകൾ ചേർത്ത് നന്നായി കുഴച്ച‌് എടുത്തു എണ്ണ ചൂടായി വരുമ്പോൾ കുഴച്ച മിശ്രിതം വിതറി ഇട്ടു നന്നായി പൊരിഞ്ഞു വരുമ്പോൾ കോരി എടുക്കുക.
English Summery : Onion Chines Potato Pakkoda