നാടൻ കോവയ്ക്ക പച്ചടി, ഓണസദ്യയ്ക്ക് ഒരുക്കാം

ഓണസദ്യ ഗംഭീരമാക്കാൻ ഒരു കോവയ്ക്ക പച്ചടി തയാറാക്കാം.
1.

•  ഇളം കോവയ്ക്ക വട്ടത്തിൽ അരിഞ്ഞത് – ഒരു കപ്പ്
• മഞ്ഞൾപ്പൊടി – കാൽ ചെറിയ സ്പൂൺ
• ഉപ്പ് – പാകത്തിന്
• ചുവന്നുള്ളി വട്ടത്തിൽ അരിഞ്ഞത് – കാൽ കപ്പ്
• പച്ചമുളക് വട്ടത്തിൽ അരിഞ്ഞത് – രണ്ടു ചെറിയ സ്പൂൺ
• ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ

• 2.വെളിച്ചെണ്ണ – നാലു ചെറിയ സ്പൂൺ
  3. കടുക് – അര ചെറിയ സ്പൂൺ
• ഉലുവ – ഒരു നുള്ള്
• വറ്റൽമുളക് – മൂന്ന്
• കറിവേപ്പില – ഒരു തണ്ട്

4.പുളിയില്ലാത്ത കട്ടത്തൈര് – ഒരു കപ്പ്
കടുക് ചതച്ചത് – ഒരു ചെറിയ സ്പൂൺ

പാകം ചെയ്യുന്ന വിധം

ഒന്നാമത്തെ ചേരുവ കാൽ കപ്പ് വെള്ളം ചേർത്തു വേവിച്ചു വയ്ക്കുക. കോവയ്ക്ക അധികം വെന്തു പോകരുത്.

∙ വെളിച്ചെണ്ണ ചൂടാക്കി മൂന്നാമത്തെ ചേരുവ മൂപ്പിച്ച ശേഷം കോവയ്ക്ക മിശ്രിതം ചേർത്തിളക്കി വാങ്ങുക.

∙ ചൂടാറിത്തുടങ്ങുമ്പോൾ തൈരിൽ കടുക് ചതച്ചതു ചേർത്തിളക്കുക. ചൂടു കൂടിയാൽ തൈരു പിരിഞ്ഞുപോകാൻ സാധ്യതയുണ്ട്.

∙ ആവശ്യമെങ്കിൽ ഒരു നുള്ള് പഞ്ചസാര ചേർക്കാം.